MASMUR 10:8 - BIBEL JAMITA NA DENGGAN

^8-9 Martabuni ia di angka huta giot mamunu halak na so marsala. Songon singa paintehon di balik ni ramba na poso, mangaligi-ligi halak na so margogo. Diolat ia halak na dangol di inganan na buni, ditangkup lalu disarat ia sian i.

MASMUR 10:8 Referans Kwoze

HABAKUK 3:14

Mangkatombuk dibaen angka siorMu na mamimpin parangan ni musu, di na ro paranganna i songon gogo ni halingsungsung, anso masarsar nian hami dibaen. Martata ma halahi marsonang-sonang laho mamparkanciti halak na marhahurangan.

JEREMIA 22:17

Hape asing do anggo ho; hum untungmu sajo do na nijalahanmu. Dibunu ho do halak na so marsala, jana kejam do dibaen ho mamisat rayatmu.

1 SAMUEL 22:18

Jadi gabe didok si Saul ma tu si Doeg, “Aha dope, ho sajo ma mamunu halahi!” Jadi ro ma si Doeg lalu dibunu ia ma angka malim i. Di na sadari i dimatehon ia ma salapan pulu lima halak malim na marhak maroban Efod.

LUKAS 8:1

Nada sadia honok dung i, mardalani ma Jesus tu angka kota dohot huta-huta i. Dijamitahon Ia ma disi Jamita Na Denggan taringot tu Harajaan Ni Debata. Dohot ma dua bolas halak siseanNia i laho mandongani Ia.

MASMUR 94:6

Dibunu halahi do ina na mabalu dohot na so marama so marina dohot halak na asing na maringanan di luat on.

MASMUR 17:11

Humaliang do halahi ro giot mangalo, anso dilipatkon halahi au tu tano.

2 RAJA-RAJA 21:16

Na lobi bahat do dibunu si Manase halak na so marsala jabat do durus mudar sap di Jerusalem. I ma dosa na nibaennia tamba ni na mambaen halak Juda gabe mardosa tu Tuhan hara ni na mamele gana-ganaan.

1 SAMUEL 23:23

Jadi tangkas ma pareso hamu sanga liang dia na jungada dipake ia inganannia martabuni, dung i ulahi hamu ma ro tuson laho paboahon tu au. Disi ma rap kehe au dohot hamu, jana muda laing di luat i do ia antong, musti hujalahi, haru lopus husarsar sude Juda!”

LUKAS 10:1

Dung i dipili Jesus ma muse pitu pulu halak nari. Disuru Ia ma halahi mardua-dua halak manjoloi Ia tu sude kota dohot inganan na giot topotonNia.

HAKIM-HAKIM 9:25

Dipambaeni halak Sikem i ma angka pangadang di ambubu ni angka dolok laho manangkup si Abimelek. Sanga ise na mamolus disi disamun angka pangadang i ma i. Jadi gabe dipaboa ma i tu si Abimelek.

JOB 24:14

Andos torang dope ngot ma sibunu jolma sian podomanna, lalu kehe ma ia mamunu halak na so mardiha-diha, jana dompak so torang dope ari, monjap-onjap ma ia sai songon panangko.

PODA 24:15

Ulang iba songon halak na jahat na marpokat manyamun halak na burju jana mangarampas bagasna.