MASMUR 10:6 - BIBEL JAMITA NA DENGGAN

⁶ Ning rohania di bagasan, “Karejongku nada adong sundatna, nada hona mara salolotna.”

MASMUR 10:6 Referans Kwoze

MATEUS 24:48

Tapi muda jahat do naposo i, didok ia di bagasan rohania,

JESAYA 56:12

“Tole, minum anggur ma hita, jana tagogoi be ma na minum on! Tumabo dope ancogot ulang pado sadari on!”

PARJAMITA 8:11

Biasi songon i momona halak mambaen hajahatan? Hara ni na so manigor do dilehen uhuman.

HALUMBAAN 18:7

Lehen hamu ma tusia parkancitan dohot pardangolan sabahat ni hasangapan dohot sinadongan na dung dirasoinia. Harana didok ia do di bagasan rohania, ‘Au do ratu na mamarenta! Nada na mabalu au, nada daionku hamarsahan!’

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

NAHUM 1:10

Angke halahi pe angkon mago songon duri na marsijalin-jalinan, abis matutung songon durame na mahiang.

MASMUR 30:6

Di na sonang pangkilalaan, gabe hudokkon, “Nada be iba tartaluhon!”

MASMUR 15:5

jana painjamkon hepeng so marbunga; na so giot manjagit hepeng suap laho mangarugi i halak na so marsala. Halak na mambaen songon i tongtong sonang nada adong manyusai.

MASMUR 14:1

Didok halak na oto di bagasan rohana, “Nada adong Debata.” Karejo ni halahi hodar jana hagigian nada adong na mambaen hadengganan.

MASMUR 11:1

Tu Tuhan i do au maronding-onding; nada parguna adong mandok tu au, “Palua ma dirimu songon unggas na habang tu dolok adu.”

JESAYA 47:7

Di mulana diambang ho salolot-lolotna gabe ratu ho. Hape rohamu nada mangastui sanga bia ujungna di pudi.