MASMUR 10:2 - BIBEL JAMITA NA DENGGAN

² Mardongan jungkat halak na jahat i mamparkanciti na dangol; padiar ma hara ni hajahatanna gabe halahi manaon.

MASMUR 10:2 Referans Kwoze

MASMUR 59:12

Angke mardosa do halahi hara ni pamanganna, marhite angka hata na nipardokkonanna. Padiar ma tardapot halahi di ginjang ni rohana, angke sai na giot mamurai do halahi dohot na margabusi.

MASMUR 36:11

Ulang padiar au disoro halak na gakgak, sanga dipaorot halak na jahat.

MASMUR 7:16

Hajahatan na nitahi ni rohana, tapi ia sandiri do na hona dibaensa.

PODA 5:22

Songon tirangkap do dosa ni jolma na jahat na manjorat halakna i sandiri.

MASMUR 119:122

Janjihon ma paboa na giot urupanMu au, ulang padiar halak siginjang roha manyosak au.

MASMUR 31:18

Sumpol ma pamangan ni angka pargabus na manyombong pacia-ciahon halak na bulus.

MASMUR 140:5

Manaon jorat do halak siginjang roha tu au jana pagistang jaring laho maninggangkon au. Sapanjang dalan, ditaon halahi tirangkap laho padapotkon au.

MASMUR 119:85

Halak na gakgak na so patu tu TonaMu, madung manghuar lubang laho manjorat au.

MASMUR 119:69

Ditilakoi halak siginjang roha au, tapi sian sandok rohangku, huoloi haputusanMu.

JEREMIA 43:2

Jadi didok si Asarya anak ni si Hosaya dohot si Johanan anak ni si Kareah na bulbul i ma tu au, “Margabus do ho. Nada disuru Tuhan Debatanami ho mangorai hami anso ulang kehe maringanan tu Mesir.

JESAYA 14:16

Tatapon jana marsuo ma halahi na disi tu ho. Sapa-sapa ma halahi, ‘On ma he bayo na mambaen humutur portibi jana na mambaen tarsonggot angka harajaan?

JESAYA 14:13

Anggo giot ni rohamu nian sai na giot tu langit, jana mambaen habangsamu di ginjang ni bintang pargincat! Diambang ho tarbaen ho ma juguk di ginjang ni dolok na di Utara, inganan parpunguan ni angka debata.

MASMUR 119:5

Sai togu ma nian rohangku mandalankon angka aturanMu.

HARURUAR 18:11

Saonnari madung huboto, gumodang do hape Tuhan i sian sandok debata, harana di hatiha di hasombongan ni halak Mesir maradopkon halak Israel do dibaen Tuhan sudena on.”

HARURUAR 9:17

Hape laing ginjang dope rohamu jana nada dipaloas ho kehe bangsongKi.

MASMUR 109:16

Angke antong nada jungada diingot halahi, laho patuduhon holong ni roha. Diparhanciti do halak na pogos dohot na dangol, dibunu halahi do halak na so margogo.