LUKAS 9:61 - BIBEL JAMITA NA DENGGAN

⁶¹ Adong muse ma sahalak na asing mandok, “Au pe ra do mangihutkon Tuan i, tapi paloas ma jolo au markata partinggal tu dongan sabagasku.”

LUKAS 9:61 Referans Kwoze

LUKAS 14:26

“Muda adong halak na ro tu Au, hape holongan do rohania mida inangnia, amangnia, dadaborunia, dakdanaknia, kahangginia, angka ibotonia dohot dirinia sandiri pe tehe, nada tarbaen halak na songon i gabe siihutkon Au.

1 RAJA-RAJA 19:20

Gabe ditadingkon si Elisa ma angka lombunia i jana dilojong ia ma mangkojar si Elia. Dung dapot, didok si Elisa ma, “Paloas ma au jolo marpaboa tu simatobangku, dung i ihutkononku ma ho.” Dialusi si Elia ma, “Tole ma. Nada hupaksa ho anso dohot.”

PANGARATAION 33:9

Sumurung do haburjuon ni halahi tu Ho. Sumurung sian simatobang maradu koum sisolkot. Dioloi halahi do angka parentaMi parjanjianMu pe digohi.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

2 KORINTUS 2:13

Tapi inda sonang huhilala, hara ni na so marsuo au dohot donganta si Titus disi. Gabe huparmisihon noma tu halak kota i lalu kehe au tu Makedonia.