LUKAS 9:52 - BIBEL JAMITA NA DENGGAN

⁵² Dung i disuru Ia ma angka suruan di joloNia, jadi dung kehe halahi, bolkas ma halahi tu sada huta ni halak Samaria laho mangkobasi sandok na porlu di Jesus.

LUKAS 9:52 Referans Kwoze

MATEUS 10:5

Disuruhon Jesus ma rasul na dua bolas halak i dung jolo ditonai Ia halahi songon on, “Ulang kehe hamu tu huta ni halak na asing, dohot tu kota ni halak Samaria.

LUKAS 17:16

Dung lalu di jolo ni Jesus, marsomba ma ia mandok tarimakasi tuSia. Halak Samaria do bayo i.

LUKAS 10:33

Tapi adong muse ma sada halak Samaria na mamolus disi. Dung diida ia bayo i gabe ibo ma rohania midasa.

LUKAS 10:1

Dung i dipili Jesus ma muse pitu pulu halak nari. Disuru Ia ma halahi mardua-dua halak manjoloi Ia tu sude kota dohot inganan na giot topotonNia.

JOHANNES 8:48

Dialusi halak Jahudi i ma, “Nada he tutu do muda hami dokkon halak Samaria do Ho, jana na nisonggopan ni setan?”

LUKAS 7:27

Angke taringot tusia adong do tarsurat, ‘Ida ma, suruonKu ma suruanKi patujoloMu, na pauli dalanMu.’ ”

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

LUKAS 17:11

Di na patoruskon pardalananNia Jesus tu Jerusalem mamolus ma ia sian parbalohan ni Samaria dohot Galilea.

JOHANNES 4:4

Angkon sian Samaria do Ia mamolus di pardalananNia i.

JOHANNES 4:5

Dung di Samaria lalu ma Jesus tu sada kota na margoar Sikhar, nada sadia dao sian tano na nilehen ni si Jakob narobi tu anaknia na margoar si Josep.

JOHANNES 4:9

Dialusi boru Samaria i ma, “Halak Jahudi do Ho hape au halak Samaria do. Biasi mangido minum Ho tu au?” (Harana na so ra do halak Jahudi mardongan dohot halak Samaria.)