LUKAS 9:42 - BIBEL JAMITA NA DENGGAN

⁴² Jadi hatiha mardalan dakdanak i laho mandapotkon Jesus, digosa setan i ma ia, dung i martoltolan ma pamatangna i. Tapi disonggak Jesus ma begu i jana dipamalum Ia ma dakdanak i. Dung i dipasahat ma dakdanak i mangulahi tu amangna i.

LUKAS 9:42 Referans Kwoze

LUKAS 7:15

Ngot ma doli-doli na mate i, juguk ia mangkobari. Dung i dipasahat Jesus ma ia tu inangna i.

HALUMBAAN 12:12

Hara ni i, angkon marjop ni roha godang ma banua ginjang dohot sudena na maringanan disi! Tapi marjaya ma anggo tano dohot laut, dibaen madung mijur tu ho Sibolis di hagigilap ni rimasna, harana madung diboto ia santongkin nari noma hatihania.”

LUKAS 9:39

Adong do begu manggosa ia, gabe sai ompot ma mangangguhi, martoltolan ma pamatangna i lopus margubo-gubo pamanganna i. Hancit dihilala ia. Nada ra morot begu i sian anakki!

MARKUS 9:20

Dung i dioban halahi ma dakdanak i tu Jesus. Hum diida setan i Jesus, manigor martoltolan ma pamatang ni dakdanak i dibaen setan i gabe tinggang ma margiling-giling di tano i. Margubo ma pamanganna i.

2 RAJA-RAJA 4:36

Disuru si Elisa ma si Gehasi mamiohon inang ni dakdanak i. Jadi dung masuk ina i didok si Elisa ma tusia, “Boan ma anakmon.”

BAENON NI ANGKA RASUL 9:41

Ditangkup si Petrus ma tanganna i manogu ia laho jongjong. Dung i dipiohon si Petrus ma angka na porsaya i rap dohot angka ina na mabalu i, dipasahat ia ma si Dorkas na mulak mangolu i tu halahi.

1 RAJA-RAJA 17:23

Jadi dioban si Elia ma dakdanak i tu inangna i jana didok ia ma, “Indon ma inang anakmi! Mangolu do ia!”

LUKAS 9:41

Dialusi Jesus ma, “O, hamu angka pomparan na so porsaya jana na lilu! Olat ni andigan pe angkon rap Au dohot hamu jana sai sobar tu hamu? Oban ma tuson anakmi!”

LUKAS 9:43

Homang-komang ma sude halak marnida kuaso ni Debata na songon i godangna. Jadi hatiha homang-komang dope halahi marnida sude na nibaen ni Jesus i, didok Jesus ma tu angka siseanNia i,

JOHANNES 6:19

Madung hira-hira opat tu lima kilometer daona halahi marparau tu tonga-tonga ni dano i; jadi ompot ma diida halahi ro Jesus mardalan di ginjang aek i mandapotkon parau ni halahi i. Mabiar situtu ma halahi.