LUKAS 9:3 - BIBEL JAMITA NA DENGGAN

³ Jadi ninna Jesus ma tu halahi, “Ulang oban hamu sanga aha di pardalananmunu, sanga tungkot, sanga huncang, sanga sipanganon, sanga hepeng, sanga dua pakean pe.

LUKAS 9:3 Referans Kwoze

LUKAS 22:35

Dung i didok Jesus ma tu halahi, “Nabaruon dompak Husuru hamu na so Hupaloas do maroban dompet, huncang sanga sipatu, adong he bagi aha hurang di hamu?” “Nada adong na hurang,” ning halahi mangalusi.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

2 TIMOTEUS 2:4

Muda sada tentara na topet mardinas nada tola baenonna urusanna sandiri, angke por do rohania laho pasonangkon roha ni komandanna i.

LUKAS 12:22

Dung i didok Jesus ma tu angka siseanNia, “I do umbaen na Hudok, ‘Ulang humolos rohamunu hara ni angka parngoluonmunu, i ma taringot tu sanga aha na giot panganonmunu annon, sanga aha na giot pakeonmunu annon.’

LUKAS 3:11

Ning si Johannes ma mangalusi, “Halak na marbaju dua angkon lehenonnia ma sada tu halak na so adong bajuna; songon i muse halak nampuna sipanganon, angkon bagihononnia ma i tu halak na asing.”

LUKAS 12:28

Jadi, muda diabiti Debata do angka duhut na di padang i, na jeges sadari on tapi ancogot diambungkon tu api, tarlumobi ma hamu, ale angka na hurang porsaya!

LUKAS 5:29

Dung i dipatupa si Levi ma pesta di bagasnia hara ni Jesus. Bahat do sitagi pajak songon i dohot halak na asing mangan rap dohot halahi.

MARKUS 6:7

Dipiohon Ia ma anak siseanNia na dua bolas i, disuruhon Ia ma halahi mardua-dua. Dilehen Ia muse ma kuaso di halahi mangusir angka setan.

LUKAS 9:4

Jana muda dijagit do hamu di sada-sada bagas, tinggal ma hamu disi lopus tu na kehe hamu muse.