LUKAS 9:2 - BIBEL JAMITA NA DENGGAN

² Dung i disuru Ia ma halahi anso kehe pasarkon barita taringot tu Harajaan Ni Debata dohot pamalumkon halak na marnyae.

LUKAS 9:2 Referans Kwoze

LUKAS 10:9

Pamalum hamu ma angka na marnyae na di kota i, jana dokkon hamu ma tu angka halak na disi, ‘Madung donok tu hamu, Harajaan Ni Debata.’

MATEUS 3:2

“Pauba hamu ma rohamunu”, ning ia, “harana inda pola lolot be, pungkaon ni Debata ma padalankon pangarajaionNia!”

LUKAS 9:11

Jadi di na tarboto pangalaho i di halak na bahat, diihutkon halahi ma Jesus. Dijagit Jesus ma halahi, lalu dihobarkon Ia ma taringot tu Harajaan Ni Debata tu halahi. Laing dipamalum Ia muse dope angka halak na marnyae.

MARKUS 6:12

Anak sisean na dua bolas i pe, kehe ma. Dijamitahon halahi ma angkon tinggalkonon ni halak do angka dosana.

MATEUS 24:14

Dung i muse, Jamita Na Denggan taringot tu Harajaan Ni Debata, dijamitahon ma i tu portibi on sude, anso sude halak umbegesa. Dung i pe anso ro ari na parpudi.”

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

LUKAS 16:16

Olat ni si Johannes Pandidi laing margogo do Tona ni ugamo na nipasahat ni si Musa, dohot angka pangajaran na adong di buku ni angka panurirang. Mamungka sian i torus ma dijamitahon Jamita Na Denggan taringot tu Harajaan Ni Debata.

LUKAS 10:11

‘Abuan ni hutamunu on pe na lohot di patnami, hami paspaskon ma di jolomunu. Tapi ingot hamu ma bahaso madung donok Harajaan Ni Debata!’

MARKUS 16:15

Dung i didokkon Jesus ma tu halahi, “Kehe ma hamu tu sude portibi on. Baritahon hamu ma Jamita Na Denggan na sian Debata i tu sudena jolma.

LUKAS 10:1

Dung i dipili Jesus ma muse pitu pulu halak nari. Disuru Ia ma halahi mardua-dua halak manjoloi Ia tu sude kota dohot inganan na giot topotonNia.

MATEUS 10:5

Disuruhon Jesus ma rasul na dua bolas halak i dung jolo ditonai Ia halahi songon on, “Ulang kehe hamu tu huta ni halak na asing, dohot tu kota ni halak Samaria.