LUKAS 8:47 - BIBEL JAMITA NA DENGGAN

⁴⁷ Diboto anak boru i ma na dung tarboto pangalahonia i. Jadi ro ma ia tu jolo ni Jesus hitir-hitir marsomba. Dipaboa ia ma di jolo ni halahi sude sanga hara ni aha umbaen dijama ia Jesus, dohot nyaenia sanga tarbia parmalumna manigor santongkin i.

LUKAS 8:47 Referans Kwoze

MARKUS 5:33

Diboto anak boru i ma sanga aha na masa tusia. Humitir ma ia mabiar sajo. Ro ma ia marsomba-somba tu Jesus, dipaboa ia ma sude.

2 KORINTUS 7:15

Gabe mur tamba do holong ni rohania tu hamu, angke sai diingot ia do sanga na tarbia pangoloimunu sudena di panogu-noguonnia jana sanga na tarbia panjagitmunu disia mardongan biar dohot hitir.

IBRANI 12:28

Hara ni na dung tajagit harajaan na so tarhutur i, beta ma tadok tarimakasi jana mangoloi tu Debata mangihutkon angka tona na tama tuSia, mardongan sangap dohot biar.

1 KORINTUS 2:3

Dompak rap au dohot hamu, gale jana humitir do au hara ni na mabiar.

MASMUR 2:11

Haburjuhon hamu ma mamuji Tuhan paunduk hamu ma marsomba di joloNa jana humitir.

BAENON NI ANGKA RASUL 16:29

Dipangido kapala ni hurungan i ma sulu, dilojong ia tu bagasan. Humitir ma ia manungkap di jolo ni si Paulus dohot si Silas.

1 SAMUEL 16:4

Dibaen si Samuel ma songon na nidok ni Tuhan i. Disi lalu ia di Betlehem, dialo-alo angka pamimpin ni kota i ma ia tarsonggot be jana disapai halahi ma, “Na maroban hahorasan dehe ulaning haroro ni ompu i?”

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

MASMUR 38:9

Tuhan, diboto Ho do sandok lungun ni rohangku, nada buni di Ho holos ni rohangku.

PILIPPI 2:12

Hara ni i hamu angka dongan na nihaholongan, songon pangoloimunu tu au dompak di tonga-tongamunu au, saonnari pe haru dung padao-dao, angkon mur olo ma hamu nian tu au. Usahohon hamu ma tongtong anso mur sanggam haluaanmunu i. Mardongan biar dohot hitir ma baen hamu sudena i,

MATEUS 28:8

Diompoti dadaboru i ma maninggalkon kuburan i. Mabiar marcampur jop ni roha, dilojongi halahi ma laho paboahon pangalaho i tu angka anak sisean ni Jesus.

HOSEA 13:1

Najolo dipasangap do Marga Efraim, jadi muda jabat adong parenta sian marga i, mabiar be noma angka marga na asing na di Israel. Hape mardosa do Marga Efraim hara ni na marsomba tu Baal, i ma mambaen mate ia.

HOSEA 5:3

Hutanda do ho, Efraim jana Huboto do sudena taringot tu ho, angke madung markarosuan ho, ale Israel; jana madung dipahodar ho dirimu.”

MASMUR 66:16

Ro ma, jana tangihon hamu ma, o sude hamu na burju, paboaonku ma pambaenan ni Debata tu au.

LUKAS 8:46

Ninna Jesus ma, “Tapi adong do halak na manjama Au. Huboto do i, angke adong hagogoon na ruar sian Au.”

LUKAS 8:48

Didok Jesus ma tusia, “Madung dipamalum haporsayaanmi ho da inang. Kehe ma ho, dibagasan sonang!”