LUKAS 8:3 - BIBEL JAMITA NA DENGGAN

³ dohot si Johanna daboru ni si Khusa, bendahara ni Raja Herodes; si Susanna, bahat dope tehe daboru na asing. Halahi sandiri do na pasingkop na hasaya di Jesus rap dohot angka siseanNia i.

LUKAS 8:3 Referans Kwoze

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

PILIPPI 4:22

Sudena halak na badia dison, lumobi sian halahi na sian bagas godang ni Kesar i, manongos tabe do tu hamu angka dongan.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

MATEUS 26:11

Tongtong do adong na pogos rap dohot hamu, tapi anggo Au nada tongtong rap dohot hamu.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

MATEUS 2:11

Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.

JESAYA 23:18

Haulkononnia ma tu Tuhan labo dohot upa na dapotnia jana nada simpanonna. Pargunahonon ni angka halak na manyomba Tuhan ma i baen panobusi ni balanjo dohot pakean na porlu di halahi.

1 JUJUR TAON 29:14

Anggo satutuna nian, nada adong tarlehen au dohot rayatkon sanga na aha tu Ho, angke na nilehenMu do sasudena jana sanga aha pe na hami pasahat on, laing Ho do nampunasa.

LUKAS 24:10

Angka on ma dadaboru na paboahon i sudena tu angka sisean ni Jesus: Si Maria Magdalena, si Johanna, si Maria inang ni si Jakobus dohot angka dadaboru na asing i na rap dohot halahi.

BAENON NI ANGKA RASUL 13:1

Adong do angka panurirang dohot angka guru di parlagutan na di Antiokia. I ma angka si Barnabas, si Simeon na nigoaran muse si Niger (astuanna ‘Si Lomlom’), si Lukius halak Kirene, si Menahem, bayo na dipagodang-godang rap dohot Gubernur Herodes dohot si Saulus.

MATEUS 14:1

Jadi hatiha i tarbege ma tu si Herodes, gubernur ni Galilea taringot tu Jesus.

MATEUS 14:3

Tutu do i, na nipatangkupkon ni si Herodes do si Johannes. Diihoti, dipamasuk tu hurungan. Hara ni si Herodias dadaboru ni si Pilipus angginia sandiri.

MATEUS 14:6

Jadi hatiha marpesta ulang tahun ia, manortor ma boru ni si Herodias di jolo ni halak na ro i. Jop sajo ma roha ni si Herodes marnida na manortor i.

MATEUS 20:8

Jadi dung potang ari didok nampuna kobun i ma tu mandurna i. ‘Piohon ma angka na karejo i, garar ma upa ni halahi mamungka sian na parpudi ro lopus tu na parjolo ro.’

MATEUS 27:55

Laing adong do disi angka dadaboru na manatap-natap sian na dao. Halahi ma angka dadaboru na dohot mamungka sian Galilea mangihutkon Jesus laho mangurupi Ia.

JOHANNES 12:6

Didok si Judas pe songon i nada na mangarohahon halak na pogos ia, tapi hara ni na panangko do ia. Madung somal ia mambuati hepeng sian hepeng ni halak na dipasimpankon disia.)