LUKAS 8:12 - BIBEL JAMITA NA DENGGAN

¹² Same na madabu tu dalan i, manggambarkon angka halak na manangihon hata i. Tapi ro ma Sibolis mangarampas hata i sian roha ni halahi anso ulang porsaya jana nipalua halahi.

LUKAS 8:12 Referans Kwoze

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

MARKUS 4:15

Huhul mardabuan di topi-topi ni dalan do hata i, tarsongon i ma angka halak na manangihon hata i. Disi dibege halahi manigor jalop ma ro Sibolis i mambuat hata na dung nisabur i di roha ni halahi.

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

PODA 4:5

Marbisuk ma ho jana marroha! Argahon ma angka sipaingotku jana ulang halupahon.”

PODA 1:29

Nada jungada porlu dihilala hamu parbinotoan. Sai na matua losok do rohamunu mangoloi Tuhan.

LUKAS 8:5

Ning Ia ma, “Adong ma sada halak, na kehe manyabur same. Jadi hatiha na manyabur i ia, adong ma same i na madabu di dalan i, gabe didege-dege halak ma i jana dipapangani unggas.

JESAYA 65:11

Tapi nada songon i anggo bagian ni angka halak na manadingkon Au, na so parduli di Sion, dolokKu na badia i, boti na marsomba tu Gad dohot Meni, i ma angka debata pardoharan dohot nasib.

MATEUS 13:4

“Jadi dompak na manyabur same i ia, adong ma na mangkadabu tu topi ni dalan i, gabe ro ma unggas, dipangan ma i.

LUKAS 8:11

“Ondo astuan ni umpama i: Same i, i ma hata ni Debata.

LUKAS 8:13

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.