LUKAS 8:1 - BIBEL JAMITA NA DENGGAN

¹ Nada sadia honok dung i, mardalani ma Jesus tu angka kota dohot huta-huta i. Dijamitahon Ia ma disi Jamita Na Denggan taringot tu Harajaan Ni Debata. Dohot ma dua bolas halak siseanNia i laho mandongani Ia.

LUKAS 8:1 Referans Kwoze

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

SURAT NI SI PAULUS TU PARLAGUTAN ROM 10:15

Tapi songon dia ma he halahi manjamitahon, muda nada disuru? Songon na tarsurat i, “Denggan na i haroro ni sioban Barita Na Denggan i!”

BAENON NI ANGKA RASUL 13:32

Jadi saonnari, na pasahatkon Jamita Na Denggan i ma hami tu hamu ale angka dongan: Sanga aha na nijanjihon ni Debata tu angka ompunta,

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

MARKUS 1:39

Gabe diebati Jesus ma sude Galilea. Dipararat Ia ma Jamita Na Denggan i di angka bagas paribadatan jana mangusir angka begu.

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

MATEUS 11:1

Jadi dung ditonai Jesus angka anak siseanNia na dua bolas i, kehe ma Ia sian i. Mangajari ma Ia paboahon jamita taringot tu Debata di angka kota na donok-donok disi.

MATEUS 9:35

Songon i ma Jesus mardalani sian kota na sada tu kota na asing, sian huta na sada tu huta na asing. Mangajari ma Ia di angka bagas paribadatan. Dibaritahon Ia ma Jamita Na Denggan taringot tu Harajaan Ni Debata. Dipamalum Ia ma ragam-ragam ni nyae dohot sitaonon ni halak na mardangol.

LUKAS 1:80

Mur magodang ma anak ni si Zakaria i, tondinia pe mur margogo. Di halongonan do ia tinggal lopus dapot hatihana laho patidahon diri ia tu bangso Israel.

LUKAS 9:6

Kehe ma halahi mangaliati angka huta laho manjamitahon Jamita Na Denggan, jana pamalum angka na marnyae.

LUKAS 20:1

Di sada ari dompak mangajari Jesus di Bagas Ni Debata, jana dijamitahon Ia Jamita Na Denggan tu halak na bahat i, ro ma angka kapala ni malim dohot Siboto Surat dohot hatobangon tusi,