LUKAS 7:6 - BIBEL JAMITA NA DENGGAN

⁶ Jadi kehe ma Jesus rap dohot halahi. Di na marayak lalu Jesus tu bagas i, disuru parpangkat i ma angka dongannia mandapotkon Jesus mandok tuSia, “Ulang pola jabat loja Tuan i! Hurang tama do au dapotkonon ni Tuan i di bagasku.

LUKAS 7:6 Referans Kwoze

JAKOBUS 4:6

Haru songon i pe, gumogo dope asi ni roha ni Debata na nilehenNa i di hita ulang pado hagiot ni rohanta i. Hara ni i do umbaen na laing tarsurat di Buku Na Badia i muse, “Dialo Debata do halak siginjang roha, tapi asi do rohaNia anggo tu halak na toruk roha.”

MARKUS 5:24

Kehe ma Jesus rap dohot si Jairus. Na bahatan halak mangihutkon Ia jabat hona sosak Ia dibaen halahi.

LUKAS 8:49

Dompak na mangkatai i dope Jesus, lalu ma suruan sian bagas ni si Jairus kapala ni bagas paribadatan i. Didok Ia ma tu si Jairus, “Indangkon be nipasusa Guru i, harana madung jumolo dakdanak ni bapa i.”

JAKOBUS 4:10

Patoruk hamu ma dirimunu di jolo ni Tuhan, gabe patuginjangon ni Tuhan i ma hamu.

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

LUKAS 5:8

Dung diida si Simon songon i, marsomba ma ia di jolo ni Jesus mandok hata, “Ulang donok Ho tu au, Tuhan! Pardosa do au!” ning ia.

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

MATEUS 3:11

Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.

PODA 29:23

Na laho madabu do siginjang roha sipasangapon do halak na toruk roha.

LUKAS 7:4

Ro ma halahi tu Jesus, gomos ma dipangido halahi pangurupion sian Ia, ninna ma, “Tama do urupanMu ia,

PAMUNGKAAN 32:10

Nada patut au manjagit sude holong ni roha dohot haburjuon na dung nipatuduhonMi tu au di na kehe au manaripari Batang aek Jordan, nada maroban bagi aha au asing sian tungkotku. Saonnari ro au mangulahi rap dohot na dua rombongan on.

LUKAS 7:5

harana dihaholongi ia do bangsonta jana madung dipajongjong ia bagas paribadatan di hami.”

LUKAS 7:7

Hara ni i au pe nada tama ro manopotkon Tuan i, tapi hum sahata pe dokkon anso malum naposongki.