LUKAS 7:42 - BIBEL JAMITA NA DENGGAN

⁴² Nada targarar halahi na dua utang ni halahi i. Gabe disesa bayo parutangan i ma utang ni halahi na dua. Antong, ise ma sian halahi na dua na humolong rohana mida na painjamkon hepeng i?”

LUKAS 7:42 Referans Kwoze

KOLOSSE 3:13

Angkon sobar do hamu maradopkon dongan jana marsimaapan muda adong na so tabo pangkilalaanna tu donganna. Madung di ampuni Tuhan hamu, jadi hamu pe angkon marsiampunan do sama hamu.

EPESUS 4:32

Tapi gumonan ma burju jana lambok hamu sama hamu, bope na marsisesaan sala songon panyesa ni Debata di dosamunu markite-hite Kristus.

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

GALATIA 3:10

Sanga ise halak na marguru tu Tona, na mangolu di toru ni bura do halahi sudena. Angke tarsurat do di Buku Na Badia i, “Sanga ise na so burju mandalankon sasudena parenta na tarsurat di Tona i, buraan ni Debata ma halakna i!”

SURAT NI SI PAULUS TU PARLAGUTAN ROM 5:6

Dibaen di hatiha hagaleonta, madung mate Kristus humopkop hita angka na durako, di hatiha na dung ditontuhon ni Debata.

SURAT NI SI PAULUS TU PARLAGUTAN ROM 3:24

Jana nipatigor do halahi songon silehen-lehen hara ni asi ni rohaNia markite-hite haluaan na di bagasan Kristus Jesus.

MATEUS 18:34

Milas sajo ma roha ni raja i dipamasuk ia ma naposo na jahat i tu hurungan. Angkon disi ma ia lopus digarar ia sude utangnia i.”

JESAYA 44:22

Huayak dosami songon alogo, salamu Hupaorot songon ombun na dihabangkon ni alogo. Hara ni i mulak ma ho tu Au, angke Au do Sipaluamu.”

JESAYA 43:25

Au, Au do na manyesa dosamu, Huampuni ho, hara ni Au sandiri. Nada ra Au manyimpan dosamu di bagasan rohangKu, hasalaanmu na salpu nada be paingot-ingotonKu.

MASMUR 103:3

Disesa Ia do sude dosamu, jana dipamalum sude nyaemu.

MATEUS 6:12

sesa ma angka dosanami, songon hami manyesa dosa ni angka na mardosa tu hami,

MATEUS 18:27

Ibo ma roha ni raja i midasa. Gabe dipalua raja i ma ia. Disesa ma sude utangnia i.”

LUKAS 7:43

“Anggo ninna rohangku, bayo na umbahat i utangna!” ning si Simon mangalusi. “Tutu do na nidokmi,” ninna Jesus.

2 SAMUEL 14:13

Didok anakboru i ma, “Marhite hata i, madung dioku raja i sandiri bahaso na marsala raja i hara ni na so paloaskon anak ni raja i mulak sian hagiloanna. Biasi dibaen raja i na songon i tu bangso ni Debata?