LUKAS 7:41 - BIBEL JAMITA NA DENGGAN

⁴¹ Ninna Jesus ma, “Adong ma dua halak na marutang tu bayo parutangan. Na sada marutang ma tusia lima ratus hepeng perak, jana na sahalak nari lima pulu hepeng perak.

LUKAS 7:41 Referans Kwoze

LUKAS 7:47

Hudok ma di ho: Holong ni rohania na songon i godang na nipatuduhonnia, i ma tandana bahaso na dung disesa dosania na bahat i! Muda nisesa dosa ni sada halak jana otik sajo do dosania, laing otik muse do holong ni roha tarpatuduhon ia.”

SURAT NI SI PAULUS TU PARLAGUTAN ROM 5:20

Tapi ditambahon do Tona i, anso gabe mur bahat pangalaosion; jana di dia dosa martamba bahat disi ma asi ni roha mur bahat,

MATEUS 18:28

“Tapi di na kehe i haruar naposo i, marsuo ma ia dohot dongannia, rap naposo do halahi. Adong utang ni dongannia i tusia sanga na piga pulu ribu. Hape ditangkup ia ma manigor dongannia i lalu dipingkok ia jana didok ia ma tu dongannia i, ‘Garar sude utangmi tu au,’ ning ia.

MATEUS 6:12

sesa ma angka dosanami, songon hami manyesa dosa ni angka na mardosa tu hami,

SURAT NI SI PAULUS TU PARLAGUTAN ROM 3:23

madung mardosa sude jolma jana agoan hamuliaan ni Debata.

LUKAS 11:4

Sesa ma angka dosanami, songon hami manyesa dosa ni sude na marsala di hami. Ulang pamasuk hami tu bagasan pandugaan.’ ”

LUKAS 13:4

Bia muse ma sisalapan bolas halak na mate di Siloam, na nitinggang ni palas-palas halahi? Ning rohamunu i ma patuduhon na bahatan dosa ni halahi sian pado sude angka halak na asing na maringanan di Jerusalem?

LUKAS 12:48

Tapi anggo naposo na so umboto hagiot ni tuanna, dung i dibaen ia na sala mambaen angkon nisambok ia, asok do panyambokna tu naposo i. Angke halak na dung dilehen bahat, bahat muse do dituntut sian ia. Jana halak na dung gabe hasahatan ni bahat pos ni roha, bahat muse do dituntut sian ia.”

JEREMIA 3:11

Dung i muse dipaboa Tuhan ma tu au, haru pe na dung dihudukkon Israel Ia, hape dumenggan dope Israel ulang pado Juda na so setia i.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

BILANGAN 27:3

“Di na mate amangnami di halongonan, nada manadingkon anak halaklahi. Nada dohot ia dongan ni si Korah mangalo Tuhan i. Mate pe amangnami i hara ni dosania sandiri do.

MARKUS 6:37

Tapi dialusi Jesus ma, “Angkon lehenonmunu do halahi mangan!” “Jadi angkon kehe noma hami manobusi roti arga dua ratus hepeng perak baen panganon ni halahi sude?” ninna anak sisean ni Jesus i.

LUKAS 7:40

Dung i ninna Jesus ma tu si Simon, “Adong na giot dohononKu tu ho Simon.” “Denggan, didok Guru i ma,” ning si Simon.