LUKAS 7:27 - BIBEL JAMITA NA DENGGAN

²⁷ Angke taringot tusia adong do tarsurat, ‘Ida ma, suruonKu ma suruanKi patujoloMu, na pauli dalanMu.’ ”

LUKAS 7:27 Referans Kwoze

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

LUKAS 1:76

O, ale anakku, goaron ma ho panurirang ni Debata Na Gumincat i. Jumolo do ho disuru Tuhan giot manastas dalan sibolusonNia.

MARKUS 1:2

Na mamungka do Jamita Na Denggan i songon na nisuratkon ni Panurirang Jesaya na mandok: “Ligi ma, Husuru do suruanKu manjoloi Ho, paradeonnia ma dalan di Ho.

JOHANNES 1:23

Dialusi si Johannes ma dohot hata songon na nidok ni Panurirang Jesaya, “Anggo au, ‘Sora ni halak na pio-pio di halongonan do au: Pahornop hamu ma dalan ni Tuhan!’ ”

MATEUS 11:10

Harana taringot tusia adong do tarsurat songon on, ‘On ma suruanKu’ ninna Debata, ‘Parjolo do ia Husuru sian Ho, laho manotas dalanMu.’

JESAYA 40:3

Adong ma halak na marsurak pio-pio, “Hobasi ma di halongonan dalan ni Tuhan. Baen hamu ma di halongonan dalan godang di Debatanta.

LUKAS 7:26

Antong mangaligi aha do hamu umbaen na kehe hamu tu balian i? Sada panurirang do na niligimunu? Tutu, Hudok ma di hamu, na sumurung dope sian panurirang.

LUKAS 7:28

“Ingot hamu ma on, sian sude halak na jungada mangolu di tano on, nada adong be na gumodang sian si Johannes Pandidi. Tapi halak na ummenek di bagasan Harajaan Ni Debata, gumodangan dope i sian si Johannes Pandidi.”