LUKAS 6:44 - BIBEL JAMITA NA DENGGAN

⁴⁴ Sude hayu, sian parbatuna do nitanda. Nada diputik halak gala-gala sian tadatada sanga pe anggur sian sihupi.

LUKAS 6:44 Referans Kwoze

JAKOBUS 3:12

Tarbaen ma he lakna, hamu angka dongan, hayu ara marbatuhon zetun sanga bona ni anggur marbatuhon hayu ara? Mual ni aek na ancim, nada tarbaen i parohon aek na tabo.

MATEUS 12:33

“Muda didok hamu na denggan sada hayu, denggan ma antong parbatuna i, jana muda didok hamu sada hayu na jat, jat muse ma parbatuna. Harana, sian parbatuna do tandaon sanga denggan sanga na so denggan hayu.

JUDAS 1:12

Muda hatiha mambaen pesta parjamuan hamu, laing halahi ma tongtong na mambaen tilako di hamu. Angke nada adong ila ni roha ni halahi, na songkal jana na pamokmokkon dirina. Songon ombun na niombuskon ni alogo do halahi, hape nada parohon udan. Laing songon suan-suanan do halahi na so marbatu haru pe madung dapot musimna; songon suan-suanan na niumpat do halahi gabe rahar.

MATEUS 7:16

Sian parbatuna do tandaonmunu halahi. Bisa dehe lakna halak mamutik batu ni anggur sian tonga-tonga ni sihupi, sanga gala-gala sian tada-tada?

MATEUS 7:20

Jadi sian parbatu ni halahi do tandaonmunu halahi.”