LUKAS 6:26 - BIBEL JAMITA NA DENGGAN

²⁶ Marjaya ma hamu muda sude halak mamuji hamu; angke songon i do angka panurirang panipu najolo dipapuji-puji angka ompung ni halahi.”

LUKAS 6:26 Referans Kwoze

JOHANNES 15:19

Sugari na sian portibi on hamu, haholongan ni portibi on do hamu songon halaknia. Tapi madung Hupili hamu sian portibi on, jana nada be halak portibi on hamu. Hara ni i do umbaen na hosom roha ni portibi on mida hamu.

JAKOBUS 4:4

Angka jolma na so tigor do hamu! Diboto hamu dehe, muda mardongan hamu dohot portibi on na gabe musu ni Debata do hamu?

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

MIKA 2:11

Sugari ro sahalak na sai margabus, ‘Paboanku ma hasurirangon tu hamu, taringot tu anggur dohot arak.’ Jadi ia do na patut manyurirangi tu bangso on!”

JESAYA 30:10

Didok halahi do tu angka panurirang, “Pasip! Ulang paboa tu hami na tutu. Na tabo begeonnami ma dok. Padiar ma hami marangan-angan.

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

JOHANNES 7:7

Nada na ra portibi on mangkagigihon hamu. Tapi anggo Au tutu ma hagigian ni portibi on, hara ni na sai Hudok tu portibi on bahaso na jahat pambaenanna.

SURAT NI SI PAULUS TU PARLAGUTAN ROM 16:18

Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.

PODA 27:21

Sere dohot perak diuji di bagasan api, tandaon do halak sian pangkobarina.

LUKAS 6:25

Marjaya ma hamu na butong saonnari on; harana, malean ma hamu! Marjaya ma hamu na martata saonnari on; harana, marsak ma rohamunu jana tangis.