LUKAS 5:8 - BIBEL JAMITA NA DENGGAN

⁸ Dung diida si Simon songon i, marsomba ma ia di jolo ni Jesus mandok hata, “Ulang donok Ho tu au, Tuhan! Pardosa do au!” ning ia.

LUKAS 5:8 Referans Kwoze

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

HALUMBAAN 1:17

Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.

HAKIM-HAKIM 13:22

Jadi didok si Manoah ma tu ripenia i, “Pasti na giot mate noma hita on, angke madung taida Debata.”

HARURUAR 20:19

Didok halahi ma tu si Musa, “Ho sajo ma mandok hata tu hami, hami bege pe; tapi ulang ma Debata na mandok hata tu hami, naron gabe mate hami.”

1 SAMUEL 6:20

Dung i didok halak Bet-Semes ma, “Ise ma he na tarbaen tahan di adopan ni Tuhan, Debata Na Badia i? Tu dia ma ulaning taruhononta Poti i anso dao sian hita?”

MATEUS 17:6

Dung dibege anak sisean ni Jesus i sora i, mabiar sajo ma halahi jabat tungkap be tu tano i.

JOHANNES 11:32

Dung lalu si Maria tu inganan ni Jesus jana diida ia ma Jesus, marsinggang ma ia di jolo ni Jesus mandok, “O Tuhan, sugari dison Tuhan i, nada jabat mate ibotongki!”

MATEUS 8:8

“Inda pola ale Tuan,” ninna tentara na pangkat i, “Mabiletu do au manjagit Tuan i di bagasku, hum sahata sajo pe dokkon, manigor malum ma nyae ni naposongki.

MATEUS 2:11

Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.

1 RAJA-RAJA 17:18

Jadi didok na mabalu i ma tu si Elia, “O naposo ni Debata, biasi ma he angkon ro ho amang tuson jana i ma mambaen tarsunggul Debata di dosangku umbaen lopus mate anakki?”

2 SAMUEL 6:9

Tapi laing mabiar do si Daud tu Tuhan jana didok ia ma, “Bia noma saonnari baenonku maroban Poti Parjanjian i?”

1 KORINTUS 13:12

Sanga aha na taida saonnari, tarsongon halinu na hurang torang do i di sormin. Tapi anggo saulahon idaonta ma tangkas pangalaho na satutuna. Saonnari hurang tangkas dope parbinotoan na adong di au, tapi anggo saulahon botoonniba ma tangkas, songon tangkas ni parbinoto ni Debata di au.

LUKAS 5:7

Gabe mangido tolong noma halahi hara ni i tu angka dongan ni halahi na di parau na asing i. Ro ma dongan ni halahi i, dipamasuk halahi ma tu parau na dua i lopus bubung jabat giot bonom parau i dua-dua.

LUKAS 5:9

Homang ma si Simon dohot halak na rap dohot Ia marnida ihan songon i bahatna dapot halahi.