LUKAS 5:33 - BIBEL JAMITA NA DENGGAN

³³ Didok halahi ma tu Jesus, “Anggo anak sisean si Johannes jotjot do puaso dohot martangiang, songon i muse angka sisean ni Parise. Hape angka anak siseanMu mangan minum do halahi.”

LUKAS 5:33 Referans Kwoze

LUKAS 20:47

Dirugii halahi do angka na mabalu jana dirampas halahi angka bagasna i, hape dipaula-ula halahi ma lolot-lolot martangiang! Musti angkon hona uhum na dokdok halahi!”

LUKAS 18:12

Puaso do au dua noli di bagasan saminggu, jana hulehen do saparsampulu sian pangomoanku.’

BAENON NI ANGKA RASUL 9:11

Dung i didok Tuhan i ma, “Aha dope, kehe ma ho saonnari. Dapotkon ma bagas ni si Judas na di Dalan Lidang i. Sapai ma disi na margoar si Saulus halak Tarsus. Hatiha martangiang do bayo i,

JOHANNES 3:25

Jadi adong ma deba sian sisean ni si Johannes i na martongkar dohot halak Jahudi taringot tu aturan haiason mangihutkon ugamo Jahudi.

JOHANNES 1:35

Ancogotna i laing jongjong ma disi si Johannes rap dohot siseannia dua halak.

LUKAS 11:1

Sanoli di sada inganan martangiang ma Jesus. Dung sidung Ia na martangiang i, didok sahalak sian anak siseanNia i ma tuSia, “Tuhan, ajari ma hami martangiang songon si Johannes diajari Ia do martangiang angka anak siseanNia i.”

MARKUS 12:40

Angka na mabalu dipaoto-oto halahi muse laho mambuat bagasna i. Ginjang-ginjang dibaen halahi hata ni tangiang ni halahi laho manutup-nutupi hajahatan ni halahi i. Na boratan do saulahon uhuman tu halahi!”

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

ZAKARIA 7:6

Laing songon i muse muda mangan sanga minum hamu, nada he na mangan dohot minum tu hamu sandiri do?”

JESAYA 1:15

Muda pe diangkat hamu tanganmunu martangiang, nada Huterge be i. Nada parduli Au sanga na sadia bahat tangiangmunu i, nada ra Au manangihonsa angke dohot tanganmunu i madung bahat hamu mamunu.

PODA 28:9

Muda nada oloanmu uhum, tangiangmu pe sihagigian do.

LUKAS 2:37

mabalu ma ia torus mardangol salapan pulu opat taon honokna. Nada jungada ditadingkon ia Bagas Ni Debata. Arian na borngin disi sajo ma ia marsomba tu Debata martangiang dohot puaso.

LUKAS 5:32

Nada giot mamiohon halak na tigor umaben na ro Au, tapi mamiohon si pardosa do anso di pauba rohana.”

LUKAS 5:34

Dialusi Jesus ma, “Tarbaen ma he puaso angka tamu di horja ni na marbagas salolot rap dohot halahi bayo pangoli i?