LUKAS 3:3 - BIBEL JAMITA NA DENGGAN

³ Si Johannes pe kehe ma mandalani sude angka luat na di Batang aek Jordan pabolkaskon barita na sian Debata disi. Didok si Johannes ma, “Pauba hamu ma rohamunu sian angka dosamunu, jana lehen ma dirimu nididi anso disesa Debata hamu.”

LUKAS 3:3 Referans Kwoze

LUKAS 1:77

Jana patuduhon tu bangsoNia pangastuion taringot tu haluaan, marhite na dung disesa angka dosa ni halahi,

BAENON NI ANGKA RASUL 22:16

Saonnari pe, ulang be palolot paintehon. Jongjong ma ho anso nipandidihon. Pio-pio ma ho mangido tolong tu Tuhan anso dipalua ho sian angka dosami.’ ”

BAENON NI ANGKA RASUL 19:4

Dung i didok si Paulus ma, “Anggo si Johannes mandidihon halak laho patandahon na dung muba do roha ni angka jolma i sian dosana be. Tapi laing dipaboa si Johannes do tu halak Israel, angkon porsaya dope halahi tu Sahalak na umpudi ro ulang ia, i ma Jesus,” ning ia.

BAENON NI ANGKA RASUL 13:24

Dompak so dipungka Jesus padalan karejoNia, jolo dipaboa si Johannes do tu halak Israel anso muba roha ni halahi manadingkon angka dosa ni halahi be jana nipandidihon.

JOHANNES 3:26

Didapotkon halahi ma si Johannes jana disapai halahi ma, “Rabbi, jolma na rap dohot ho, na di ipar ni Batang aek Jordan i, na dung nisaksihonmi, mandidihon muse do Ia saonnari, jana marroan sude halak tuSia!”

MATEUS 3:11

Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.

JOHANNES 1:28

Di Betania na di ipar ni Batang aek Jordan do sudena i tarjadi, angke disi do si Johannes mandidihon halak.

LUKAS 1:16

Toguonnia do bahat halak Israel anso mulak tu Debata, Tuhan ni halahi.

LUKAS 4:1

Digohi Tondi Parbadia ma Jesus di na mulak Ia sian Batang aek Jordan. Dioban Tondi i ma Ia tu halongonan.