LUKAS 3:14 - BIBEL JAMITA NA DENGGAN

¹⁴ Adong muse do tentara na manyapai, “Bia do taringot tu hami? Aha do sibaenonnami?” Dialusi si Johannes ma, “Ulang jagiti hamu hepeng sanga sian ise pe hara ni na nipaksa bope markite-hite adu-aduan na so tutu tusia. Gajimi ma hangoluhon!”

LUKAS 3:14 Referans Kwoze

HARURUAR 20:16

Ulang gabe saksi pargabus maradopkon dongan.

PILIPPI 4:11

Tapi hudok pe songon i nada na mandok adong na hurang di au sanga aha, harana madung huparsiajari mangkasonangkon sanga aha na adong.

HAMALIMON 19:11

Ulang ho manangko, mangicu sanga margabus.

HARURUAR 23:1

“Ulang hata-hatahon hamu angka carito gabus jana ulang urupi hamu halak na sala, jadi gabe saksi pargabus hamu.

LUKAS 19:8

Jongjong ma si Zakeus didok ia ma tu Tuhan i, “O Tuhan, satonga sian artangku hulehen ma tu halak na pogos; jana sanga ise na unjung hutipu, hugarar pe mangulahi tusia opat noli lompit!”

HALUMBAAN 12:10

Dung i hubege ma sada sora na gogo sian banua ginjang na mandok, “Saonnari madung ro hatiha haluaan dohot kuaso dohot pamarentaon ni Debatanta, dohot hakuasoonNia na nimiahanNia. Harana madung di danggurkon tu toru angka na mangaduhon angka donganta i, na mangaduhon halahi arian dohot borngin di adopan ni Debatanta.

TITUS 2:3

Songon i muse angka dadaboru na matobang laing apoi halahi anso ias parange ni halahi songon na patut di angka halak na badia. Nada tola pajatjaton ni halahi goar ni halak, jana nada tola diparhatoban anggur. Angkon pangalaho na denggan do ajarkonon ni halahi,

PILIPPI 2:15

Di na songon i, patuduhon hamu ma paboa na tutu hamu dakdanak ni Debata, na so martilako, na bulus jana bonar di tonga-tonga ni angka halak na jahat dohot na mardosa. Jana di na palaluhon jamita taringot tu hangoluan i hamu tu halahi, angkon gabe songon sinondang na manorangi portibi on do hamu maradopkon halahi. Muda songon i ngolumunu, gabe adong ma dalan di au saulahon laho mamuji diringku hara ni hamu, di haroro ni Jesus Kristus mangulahi. I ma tandana, na so sayang boti parjuanganki jana marhasil do halolojangki.

BAENON NI ANGKA RASUL 10:7

Jadi dung kehe surusuruan na mangkobari i dohot si Kornelius, dipiohon ia ma dua halak parkarejo di bagasnia dohot sada halak tentara pangawalnia na mabiar mida Tuhan.

MATEUS 8:5

Di na masuk Jesus tu kota Kapernaum, ro ma sada halak tentara na marpangkat mandapotkon Jesus mangido tolong tuSia.

LUKAS 3:10

“Antong, aha noma sibaenonnami?” ning halahi tu si Johannes.

LUKAS 3:13

“Ulang pangido hamu lobi sian na dung diaturkon.”