LUKAS 3:1 - BIBEL JAMITA NA DENGGAN

¹ Di taon palima bolaskon dung mamarenta Kesar Tiberius, si Pontius Pilatus ma na gabe gubernur di Judea, jana si Herodes mamarenta di Galilea. Si Pilipus dongan saama ni si Herodes mamarenta di Luat Iturea dohot Trakhonitis, jana si Lisanias mamarenta di Abilene.

LUKAS 3:1 Referans Kwoze

LUKAS 2:1

Diparentahon Kesar Agustus ma hatiha i anso marsidaftarkon dirina be sude rayat na nirajaannia.

MATEUS 27:2

Ditambat halahi ma Ia. Dioban ma laho pasahatkon Ia tu si Latus. I ma gubernur ni Harajaan Rom.

BAENON NI ANGKA RASUL 26:30

Ujungna jongjong ma raja i, gubernur i dohot si Bernike dohot sude na asing i.

BAENON NI ANGKA RASUL 24:27

Dung adong dua taon, ro ma si Perkius Pestus manggontihon si Peliks gabe gubernur disi. Jadi hara ni na giot mambuat roha ia tu halak Jahudi, gabe laing dipadiar ia ma si Paulus tarhurung.

BAENON NI ANGKA RASUL 23:26

“Na niparsangapan Gubernur Peliks. Tabe ma di hamu sian au Klaudius Lisias!

BAENON NI ANGKA RASUL 4:27

Tutu do songon i. Angke marlagut do si Herodes dohot si Pontius Pilatus rap dohot halak na so mananda Tuhan bope halak Israel di kota on. Marlagut do halahi laho mangalo Jesus NaposoMu Na Badia i, na NimiahanMi,

LUKAS 23:24

Jadi didabuhon si Latus ma uhum mate tu Jesus hombar tu na nipangido ni halahi i.

LUKAS 9:7

Dibege si Herodes, gubernur ni Galilea ma taringot tu sude na masa i, gabe sak ma rohania. Harana adong do halak na mandok, “Madung mulak mangolu si Johannes Pandidi!”

LUKAS 3:19

Bope si Herodes, gubernur ni Galilea i laing digorahon si Johannes do hara ni na nibuatnia si Herodias dadaboru ni anggina bope hara ni sude hajahatannia na asing na nibaennia.

MARKUS 6:17

Angke si Herodes sandiri do marsuru halak manangkup si Johannes anso dipamasuk tu hurungan. Hara ni si Herodias anggi borunia ma dibaen ia songon i. Angke ma dibuat ia si Herodias haru pe dadaboru ni angginia si Pilipus do i.

MATEUS 14:3

Tutu do i, na nipatangkupkon ni si Herodes do si Johannes. Diihoti, dipamasuk tu hurungan. Hara ni si Herodias dadaboru ni si Pilipus angginia sandiri.

MATEUS 14:1

Jadi hatiha i tarbege ma tu si Herodes, gubernur ni Galilea taringot tu Jesus.

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

MATEUS 14:6

Jadi hatiha marpesta ulang tahun ia, manortor ma boru ni si Herodias di jolo ni halak na ro i. Jop sajo ma roha ni si Herodes marnida na manortor i.

MATEUS 22:17

Jadi hara ni i, paboa ma jolo taringot tuson: Tola dehe mangihutkon Tona ni ugamo Jahudi manggarar pajak tu Kesar Rom sanga nada?”

MARKUS 6:21

Ujungna dapot si Herodias ma ari na tumbuk, i ma di ari parningotan hatutubu ni si Herodes. Dibaen raja i ma pesta di angka kapala ni parpangkat na di harajaan i dohot angka komandan dohot di angka harajaon, hatobangon ni halak na di Galilea.

LUKAS 13:31

Laing di hatiha i, adong ma marroan angka halak Parise tu Jesus, mandok, “Ulang Ho maringanan dison! Morot ma Ho tu inganan na asing, angke giot bunuon ni si Herodes ma Ho.”