LUKAS 24:45 - BIBEL JAMITA NA DENGGAN

⁴⁵ Dung i dibuka Jesus ma pikiran ni halahi anso diastui halahi na nidok ni Buku Na Badia i.

LUKAS 24:45 Referans Kwoze

BAENON NI ANGKA RASUL 16:14

Adong ma sahalak sian halahi parjagal abit ungu, si Lidia goarna halak Tiatira. Holong do rohania tu Debata, gabe diungkap Debata ma rohania laho manjagit na niajarkon ni si Paulus tusia.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

MASMUR 119:18

Ungkap ma matangku anso huida di bagasan TonaMu pangajaran na pahomang roha.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

EPESUS 5:14

Jana sasudena na tarida tangkas, na torang do i. Hara ni i do umbaen na didok, “Ngot ma ho na modom i, jana jongjong ma ho sian hamatean! Giot marsinondang ma Kristus di ginjangmu.”

LUKAS 24:32

Jadi ninna halahi ma sama halahi, “Nangkin di dalan i, i noma gurgur ni rohanta, di na nipajojorNia torang isi ni Buku Na Badia i tu hita!”

HARURUAR 4:11

Didok Debata ma tusia, “Ise dehe na mangalehen pamangan tu jolma. Ise muse dehe mambaen jolma i ngungu sanga maingol? Ise mambaen marnida sanga mapitung? Nada he Au, Tuhan?

JOB 33:16

Disuru Debata do halahi anso manangi di hataNa; disonggoti Ia halahi dohot hata gora-gora.

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.