LUKAS 23:49 - BIBEL JAMITA NA DENGGAN

⁴⁹ Jana mandao-dao ma sude halahi na mananda Jesus, dohot ma disi angka dadaboru na mangihutkon Ia sian Galilea paida-ida na masa i sudena.

LUKAS 23:49 Referans Kwoze

LUKAS 8:2

Songon i muse angka dadaboru na dung dipamalum sian angka tondi na jahat dohot nyae. I ma si Maria na nigoaran muse si Magdalena (pitu begu dipaorot sian ia);

MASMUR 38:11

Mandao be ma ale-alengku hara ni nyaengku, salang koum sisolkotku pe mandao do sian au.

LUKAS 23:55

Diihutkon angka dadaboru na ro rap dohot Jesus sian Galilea i ma si Josep mangaligi kuburan i. Laing diida halahi do sanga tarbia parpayak ni bangke ni Jesus di bagasan kuburan i.

LUKAS 23:27

Laing bahat do halak na mangudurkon Jesus, adong ma i deba angka dadaboru. Ditangisi jana diandungi angka dadaboru i ma Jesus.

MARKUS 15:47

Jadi anggo si Maria Magdalena dohot si Maria inang ni si Joses laing dipardimata halahi do sanga na di dia do dibaen Jesus.

MASMUR 142:4

Manatap au tu siamun dohot tu siambirang, umpe rumang adong huida bantuan. Nada adong na mangondingi au, sanga nada adong na parduli tu au.

MASMUR 88:18

Dipadao Ho sian au angka ale-ale dohot donganku, hum hagolapan ma na tading mandongani au.

MATEUS 27:61

Anggo si Maria Magdalena dohot si Maria na asing i laing juguk do halahi disi paadop-adop kuburan i.

JOB 19:13

Dipadao Ia sian au angka koum sisolkotku; gabe halak na asing noma au di angka sitandaanku.