LUKAS 23:22 - BIBEL JAMITA NA DENGGAN

²² Dung i patolu nolihon marsurak ma si Latus tu halahi. Ninna si Latus ma, “Aha ma he hasalaanNia? Nada adong dapot au sada pe hasalaan diSia na patut uhumon Ia tu hamatean! Huajar ma Ia, dung i baru ma anso hupalua.”

LUKAS 23:22 Referans Kwoze

LUKAS 23:14

Dung i mandok hata ma ia tu halahi, “Madung dioban hamu Bayo on tu jolongku, jana didok hamu Ia paliluhon halak. Saonnari di jolomunu madung hupareso Ia, hape sada pe nada adong dapot hajahatan bagi aha pe na nituhaskonmunu i tuSia.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.

1 PETRUS 1:19

tapi na lobi arga do dibaen; i ma diri ni Kristus sandiri, na gabe songon biri-biri na nihaulkon tu Debata na so martihas sanga marhahurangan.

LUKAS 23:20

Hara ni na giot paluaon ni si Latus do Jesus, gabe mandok hata ma ia sanoli nari tu halak na bahat i.

LUKAS 23:16

Hara ni i huajar ma jolo Ia, dung i baru hupalua.” [

LUKAS 23:4

Dung i didok si Latus ma tu angka sintua ni malim i dohot tu halak na bahat, “Nada adong dapot au sanga aha pe hasalaanNia.”

LUKAS 23:21

Tapi marsurak muse ma halahi, “Parsilangkon i! Parsilangkon i!”

LUKAS 23:23

Tapi marpupu ma halahi marsurahi sagogo-gogona, angkon laing dipaku Jesus tu hayu parsilang. Ujungna monang ma halahi.