LUKAS 22:26 - BIBEL JAMITA NA DENGGAN

²⁶ Tapi anggo hamu ulang ma songon i. Sabalikna do, halak na gumodang sian hamu angkon gabe ummenek do, jana giot gabe pamimpin angkon gabe songon pangoloi.

LUKAS 22:26 Referans Kwoze

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

1 PETRUS 5:3

Ulang ma songon pambaen ni halak na markuaso baen hamu maradopkon halak na nipasahat tu hamu, tapi gabe tiruan na denggan ma hamu di halahi.

LUKAS 9:48

Dung i didok Ia ma tu halahi, “Sanga ise na manjagit dakdanak on hara ni Au, dos do i dohot na manjagit Au. Dung i, sanga ise na manjagit Au, sarupa do i na manjagit na marsuru Au muse. Angke sanga ise na ummenek sian hamu, ia do na gumodang!”

MARKUS 9:35

Juguk ma Jesus. Jadi dipiohon Ia ma anak siseanNia na dua bolas halak i. Didok Ia ma tu halahi, “Sanga ise na giot parjolo, angkon ia ma parpudi jana na gabe pangoloi ni sude halak.”

SURAT NI SI PAULUS TU PARLAGUTAN ROM 12:2

Ulang pahombar hamu dirimunu tu hasiangan on, tapi pauba hamu ma dirimunu markite-hite haimbaruon ni rohamunu anso tartimbang hamu sanga dia do hagiot ni Debata: Na denggan, na tumbuk jana na sanggam.

MATEUS 20:26

Tapi anggo hamu, nada tama songon i. Muda adong sian hamu na giot godang, angkon gabe pangoloimunu do ia.

MARKUS 10:43

Tapi anggo hamu, nada tola songon i! Sanga ise na giot godang sian hamu, angkon gabe pangoloimunu ma ia.