LUKAS 21:7 - BIBEL JAMITA NA DENGGAN

⁷ Disapai angka sisean i ma Jesus, “Andigan ma i tarjadi Guru? Jana aha ma tandana paboa na dung dapot hatihana pangalaho i tarjadi?”

LUKAS 21:7 Referans Kwoze

MARKUS 13:14

“Muda diida hamu ‘Hajahatan Na Mangaroncohon’ jongjong di inganan na so patut. (Sanga ise na mamasa on: Astui hamu ma sanga aha na nidok on!) Angka halak na di Judea di hatiha i, gumonan ma marlojong tu dolok.

LUKAS 21:32

Tutu do na Hudok di hamu! Anggo so tarjadi dope sudena i, nada mate muse dope angka jolma na mangolu saonnari on.

MATEUS 24:3

Dung i kehe ma Jesus juguk di Dolok Zetun. Jadi hatiha na juguk i Ia, marroan ma angka anak siseanNia laho mangkatai dohot Ia sajo. “Paboa ma jolo tu hami sanga andigan do tarjadi sudena i,” ninna halahi manyapai Ia. “Dung i muse, aha ma tandana paboa na giot dapot ma haroroMu dohot hasidungan ni portibi on?”

DANIEL 12:8

Tutu do antong sude na nidoknia i, tapi nada tarastui au. Jadi husapai ma, “Tuan, bia do ujung ni on sudena?”

DANIEL 12:6

Disapai na sada ma tu na marpakean linen i, na jongjong di julu ni aek i, “Andigan dehe marujung angka hahomangan na tarjadi on?”

LUKAS 21:6

“Saulahon adong do hatihana, sudena na niidamunu on angkon segohononkon jana umpe adong sada batu pe na dison on na laing di ingananna hian!”

LUKAS 21:8

Didok Jesus ma, “Jago ma hamu anso ulang tarpaoto-oto hamu. Angke bahat do halak na giot marroan mamake goarKu. Dokkonon ni halahi ma, ‘Au ma da Ia!’ dohot ‘Madung dapot hatihana.’ Ulang ihutkon hamu halahi.