LUKAS 21:6 - BIBEL JAMITA NA DENGGAN

⁶ “Saulahon adong do hatihana, sudena na niidamunu on angkon segohononkon jana umpe adong sada batu pe na dison on na laing di ingananna hian!”

LUKAS 21:6 Referans Kwoze

MARKUS 13:2

Dialusi Jesus ma, “Angka bagas na godang-godang i dehe na niidamu? Umpe sada batu sian angka bagas i sude na tola tarsusun di ingananna humani. Angkon disargehon sude.”

MATEUS 24:2

Dung i didok Jesus ma tu halahi, “Parrohahon hamu ma sudena i, harana sada batu pe nada tola tinggal susun di ingananna hian. Angkon hona gargar sude.”

ANDUNG 5:18

Madung sego jana lungun Dolok Sion; sorigala disi mardalan-dalan.

ZAKARIA 14:2

Palaguton ni Tuhan ma sandok bangso laho mamorangi Jerusalem. Taluhononna ma kota i, jana dirampasi angka bagasna i, jana angka dadaboru na disi paksaonna marmainan. Satonga sian halak kota i obanonna tu habuangan, tapi anggo na asing i tading do di kota i.

ZAKARIA 11:1

O ale Libanon ungkap ma angka pintumi! Anso dipangan api angka bona ni arami

ANDUNG 4:1

Sere na marlinang i ma pola mondap madung marserak di dalan i angka batu ni Bagas Ni Debata.

JEREMIA 26:18

“Taran si Hiskia raja di Juda dipalalu Panurirang Mika na sian Moreset do hata on sian Tuhan Na Markuaso i, ‘Ombahon ma Sion songon ladang, Jerusalem gabe timbunan ni na marsegoan jana Dolok Ni Bagas Ni Debata gabe harangan.’

JEREMIA 26:9

Papuluk-pulukkon ho mandok mangasahon Tuhan na giot songon Silo BagasNa on, dohot kota on roncohonon jana gabe lobu,” ning halahi. Dung i dirongomi halak na bahat i ma au.

JEREMIA 26:6

Anggo laing tong do hamu manangkang, baenonKu do bagas paribadatan on songon na Hubaen tu Silo, lopus sandok bangso na satano on mamake goar ni Jerusalem on gabe bura.”

MIKA 3:12

Hara ni hajahatanmi, pangkuran noma Sion songon ladang. Jerusalem gabe timbunan ni angka batu, jana dolok ni Bagas Na Badia gabe gasgas.

LUKAS 21:7

Disapai angka sisean i ma Jesus, “Andigan ma i tarjadi Guru? Jana aha ma tandana paboa na dung dapot hatihana pangalaho i tarjadi?”