LUKAS 21:37 - BIBEL JAMITA NA DENGGAN

³⁷ Di Bagas Ni Debata do Jesus arian i mangajari tapi dung borngin kehe ma Ia tu Dolok Zetun jana disi do Ia marborngin.

LUKAS 21:37 Referans Kwoze

LUKAS 22:39

Dung i kehe ma Jesus ruar sian kota i songon na somal tu Dolok Zetun, jana dohot do angka siseanNia i kehe rap dohot Ia.

MARKUS 11:19

Potangna i kehe ma Jesus rap dohot angka siseanNia sian kota i.

MATEUS 26:55

Dung i didok Jesus ma tu halak na bahat i, “Ro hamu laho manangkup Au maroban podang dohot potuk-potuk. Halak na jahat dehe Au lakna? Ganop ari do Au mangajari di Bagas Ni Debata hape nada ditangkup hamu Au!

MATEUS 21:17

Dung i kehe ma Jesus, ditadingkon Ia ma halahi. Kehe ma Ia tu kota Betania disi ma Ia marborngin.

MATEUS 21:1

Dung donok halahi tu Jerusalem, lalu ma halahi tu Betpage na di lambung ni Dolok Zetun. Disuru Jesus ma dua halak siseanNia i parjolo.

BAENON NI ANGKA RASUL 1:12

Dung i mulak ma angka rasul i tu Jerusalem sian Dolok Zetun. Na donok do dolok i tu Jerusalem, hira-hira sakilometer daona.

JOHANNES 12:1

Onom ari nari dompak so Pesta Paskah i, kehe ma Jesus tu Betania. Disi do tinggal ni si Lasarus na dung jungada mate jana na nipangolu ni Jesus mangulahi.

LUKAS 19:37

Jadi dung marayak lalu Jesus tu Jerusalem, di panuatan na di Dolok Zetun, marsurahi ma halak na bahat angka na mangihutkon Jesus mamuji-muji Debata dohot sora na gogo, hara ni sude hahomangon na niida ni halahi.

MARKUS 11:12

Ancogotna i dung kehe halahi sian Betania malean ma Jesus.

MATEUS 26:30

Dung diendehon halahi sada ende puji-pujian. Halahi pe kehe ma tu Dolok Zetun.

ZAKARIA 14:4

Jongjong ma Ia di ari i di Dolok Zetun, sabola Habincaran ni Jerusalem. Jadi gabe mabola ma Dolok Zetun i mamungka sian Habincaran lalu tu Hasundutan baenon ni holbung na bidang. Manggulot sabola Utara ma satonga sian dolok i, jana satonga nari tu Selatan.

MARKUS 14:49

Ganop ari do Au mangajari di Bagas Ni Debata di jolomunu hape inda ditangkup hamu Au. Tapi angkon songon i do anso tulus na tarsurat di bagasan Buku Na Badia i.”

LUKAS 19:29

Dung marayak Betpage dohot Betania na di Dolok Zetun, disuru Ia ma parjolo dua halak siseanNia.

LUKAS 19:47

Ganop ari do mangajari Jesus di bagasan Bagas Ni Debata. Tapi anggo kapala ni malim dohot angka Siboto Surat, songon i angka bagian hatobangon ni halak Jahudi i, dijalahi halahi do dalan laho mamunu Jesus.

JOHANNES 18:2

Diboto si Judas panjehe i do inganan i; dibaen madung jotjot Jesus marlagut disi rap dohot angka siseanNia i.