LUKAS 21:25 - BIBEL JAMITA NA DENGGAN

²⁵ “Saulahon adong ma angka tanda tarida di mataniari, di bulan dohot di angka bintang i. Di tano on pe hempot be ma angka bangso jana mabiar be hara ni husasak dohot ombak ni laut.

LUKAS 21:25 Referans Kwoze

JESAYA 13:10

Ganop bintang dohot baris-baris ni bintang i mantak ma marsinondang, manggolap ma mataniari di habibincarna, jana bulan pe nada marsinondang be.

DANIEL 12:1

Didok surusuruan na marpakean linen i ma mangulahi, “Tarida ma di hatiha i Mikhael surusuruan na godang pangondian ni bangsomi. Dung i masa ma hasusaan na so adong tudosanna dope mamungka adong angka bangso. Tapi sandok halak na sian bangsomu na tarsurat goarna di bagasan Buku i, paluaon ma i.

JESAYA 24:23

Manggolap ma bulan i jana mataniari nada be marsinondang, angke mamarenta noma Tuhan Na Markuaso i songon sada raja. Mamarenta ma Ia di Jerusalem, di ginjang ni Dolok Sion, jana idaon ni angka pamimpin ni bangso ma hamuliaonNia.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.

BAENON NI ANGKA RASUL 2:19

BaenonKu ma angka hahomangan di ginjang, di langit, dohot angka tanda di toru, di tano on; adong ma mudar dohot api, uas dohot timus.

JESAYA 51:15

Harana Au do Tuhan Debatamu, Au do namangatur laut jana mambaen marsasak galumbangna. Tuhan Na Markuaso do goarNa.

MARKUS 13:26

Jadi tarida ma disi Anak Ni Jolma i ro di bagasan ombun mardongan kuaso dohot hasangapan.

MARKUS 13:24

“Dung salpu hasusaan i, manggolap ma mataniari. Bulan i pe nada marsinondang be.

MATEUS 24:29

“Nada sadia honok dung ro hasusaan di hatiha i, gabe golap ma mataniari, bulan i pe nada marsinondang be. Mardabuan ma angka bintang sian langit, marsursaran ma sude angka hagogoon na di parlangitan i.

MASMUR 46:3

Haru pe mangarintiki jana margalumbang laut, jana humutur angka dolok dibaen panondongna.

MARKUS 15:33

Dung tonga ari gabe golap ma sude luat i tolu jom honokna.

JEREMIA 4:23

Manaili ma au adop tano, rumar jana harsang idaon. Mandorgak au adop langit an, nada adong na marsinondang.

JESAYA 5:30

Anggo di ari i tarbege ma di sude Israel parngiar ni porang sagogo ni ombak ni laut bidang. Ligi da, manggolap ma sudena luat i jana gok hasusaan. Gabe hagolapan marimpot-impot noma na torang i.

MATEUS 27:45

Mamungka kotu, tolu jom honokna, golap ma sude luat i.

MIKA 7:4

Halak na umburju sian tonga-tonga ni halahi, i ma songon suan-suanan na marduri. Na umtigor sian tonga-tonga ni halahi songon pagar na marduri. Madung dapot hatiha di angka pamata-mataimunu dohot ari panguhumanmu. Saonnari angkon mulai ma hagaoron di tonga-tonga ni halahi!

JESAYA 17:12

Angka bangso na gogo gabe tarsonggot, sorana songon husasak ni laut dohot sora ni ombak na gogo.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

LUKAS 21:26

Jadi tarkatos ma jolma manusia hara ni na mabiar painte-intehon sanga aha na giot tarjadi di portibi on sude. Angke gabe humutur ma sude angka hagogoon na di langit.