LUKAS 20:36 - BIBEL JAMITA NA DENGGAN

³⁶ Songon surusuruan noma pangalaho ni halahi jana nada ra be mate. Gabe dakdanak ni Debata ma halahi, angke madung dipangolu halahi mangulahi, sian hamatean.

LUKAS 20:36 Referans Kwoze

HALUMBAAN 21:4

ApusanNia ma sasude ilu sian mata ni halahi. Nada adong be anggo hamatean; hamarsahan, partangisan sanga parkancitan pe nada adong be. Madung salpu angka pangalaho na honok i.”

PILIPPI 3:21

Anggo pamatangta na gale boti na ra madangke on, paubaon ni Kristus do i gabe marsangap songon pamatangNia sandiri. Tarbaen do songon i angke adong do kuasoNia laho manaluhon sasudena.

MATEUS 22:30

Angke muda dung dipangolu mangulahi angka na dung mate, nada marbagas be halahi mangulahi. Tapi songon parngoluon ni angka surusuruan noma ngolu ni halahi di banua ginjang.

HALUMBAAN 20:6

Martua jana na badia do, na taruli di hangongot na parjolo i. Nada markuaso be hamatean na paduahon i tu halahi. Gabe angka malim ni Debata ma halahi dohot malim ni Kristus; jana mamarenta ma halahi rap dohot Ia saribu taon honokna.

1 KORINTUS 15:42

Songon i ma pangalahona sanoli on taringot tu angka na mate mangulahi dipangolu. Anggo pamatang na nitanom i, pamatang na ra busuk do i. Tapi anggo pamatang na mulak mangolu i, pamatang na so marhaujungan do i.

HALUMBAAN 22:9

hape ning ia ma tu au, “Ulang! Ulang ho marsomba tu au! Debata ma somba! Angke laing naposo muse do au sarupa dohot ho, dohot songon angka donganmu panurirang dohot sudena halak na marmomos angka hata na di bagasan buku on!”

1 KORINTUS 15:26

Anggo musu na parpudi patunduhonNia, i ma hamatean.

MARKUS 12:25

Angke anggo dung mulak mangolu do mangulahi angka na mate i, nada marbagas be halahi. Songon ngolu ni surusuruan noma halahi di banua ginjang i.

1 KORINTUS 15:49

Songon dia hita saonnari na songon si Adam na nijadihon sian tano i, anggo sanoli on gabe songon na ro sian banua ginjang i muse ma hita.

ZAKARIA 3:7

“Muda dioloi ho angka aturanKu jana didalankon ho angka karejo na Hulehen tu ho, jadi bolas ma ho gabe pamimpin tu pudi on di bagasan BagasKu dohot mangurus alamanna i. TangihononKu ma angka tangiangmu, songon panangihonKu di angka tangiang ni angka surusuruan na donok tu lambungKu.

HOSEA 13:14

Giot paluaonKu dehe bangso on sian kuaso ni inganan ni jolma na mate? Jo hamatean, sarsarkon ma balamu! Padalan ma karejomu na manyegohon i! Nada be ibo rohangKu mida bangso on.

JESAYA 25:8

AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.

SURAT NI SI PAULUS TU PARLAGUTAN ROM 8:16

Rap manyaksihon do Tondi Ni Debata dohot tondinta laho patangkaskon na tutu hita dakdanak ni Debata.