LUKAS 20:35 - BIBEL JAMITA NA DENGGAN

³⁵ tapi anggo angka jolma na patut dipangoluon mangulahi dung mate jana na mangolu saulahon, nada marbagas halahi jana nada dipabagas.

LUKAS 20:35 Referans Kwoze

2 TESSALONIKA 1:5

Dison ma tarida sanga na bia tigorna Uhum Ni Debata: Manaon parkancitan do hamu hara ni Harajaan Ni Debata, jadi etongon ma hamu songon halak na patut masuk tusi.

JOHANNES 5:29

jana haruar ma halahi sian kuburan i. Jana sude halak na mambaen na denggan disungguli ma tu hangoluan. Tapi anggo sibaen na jahat disungguli tu hamatean.”

MATEUS 12:32

Halak na mandok hata laho mangalo Anak Ni Jolma, tarsesa do i. Tapi anggo halak na mandok hatana laho mangalo Tondi Parbadia, bagi na bia pe nada tarsesa be i, bope di portibi on sanga pe di ari na giot ro!”

BAENON NI ANGKA RASUL 24:15

Songon halahi, au pe laing mararop roha do tu Debata paboa angkon mulak mangolu sudena jolma dung marmatean, halak na burju bope halak na jahat!

BAENON NI ANGKA RASUL 5:41

Morot ma halahi sian rapot ugamo i mardongan jop ni roha, harana na dung dietong roha ni halahi do patut marlayas hara ni Jesus.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

HALUMBAAN 3:4

Tapi adong dope deba sian hamu na di Sardis on na manjagohon pakeanna anso laing tongtong ias. Rap mardalan ma halahi dohot Au marpakean na bontar, angke tama do songon i halahi.

IBRANI 11:35

Hara ni haporsayaanna gabe dijagit angka dadaboru do angka na matena na mulak mangolu. Tapi adong muse do na mangalehen dirina disiksa lopus mate, jana manjua do halahi nipalua, hara ni na giot maruli halahi di hangongot na dumenggan.

MARKUS 12:24

Dialusi Jesus ma, “Madung lilu hamu hara ni na so diastui hamu Buku Na Badia i dohot kuaso ni Debata.

MATEUS 22:29

Dialusi Jesus ma, “Lilu do hamu! I ma tandana na so diboto hamu Buku Na Badia i. Kuaso ni Debata pe inda diboto hamu.

MARKUS 10:42

Jadi, gabe dipalagut Jesus ma halahi sude. Didok Ia ma tu halahi, “Diboto hamu do angka na nidok pamarenta ni angka bangso, na mamarenta rayatna marhite tangan bosi, jana angka parkuasona mandalankon karejona marhite hakejamon.

LUKAS 16:8

Dung i dipuji tuan ni bendahara i ma habisuhon ni bendahara na geduk i; angke umbisuk do angka jolma portibi on taringot tu angka urusan ni halahi ulang pado anak ni hatorangan i.”