LUKAS 2:41 - BIBEL JAMITA NA DENGGAN

⁴¹ Ganop taon sai kehe do simatobang ni Jesus tu Jerusalem laho mamestahon Ari Pesta Paskah.

LUKAS 2:41 Referans Kwoze

PANGARATAION 12:18

Hamu dohot angka dakdanakmunu, rap dohot angka naposomunu dohot angka halak Levi na maringanan di angka hutamunu, angkon di adopan ni Tuhan Debatamunu sajo panganonmunu angka haul i, i ma di inganan paribadatan na sada i na nitontuhon ni Tuhan Debatamunu. Jana angkon marjop ni roha do hamu di inganan i hara ni sude usahomunu.

JOHANNES 2:13

Donok noma hatihana anso dapot Pesta Paskah, jadi kehe ma Jesus tu Jerusalem.

1 SAMUEL 1:21

Dapot ma hatihana di si Elkana dohot dongan sabagasna laho kehe tu Silo mangulahi laho manghaulkon haul siganop taon tu Tuhan. Tamba ni i na dung marjanji do si Elkana laho manghaulkon haul na dumenggan.

1 SAMUEL 1:3

Ganop taon do si Elkana ro sian Rama giot maribadat di Silo dohot manghaulkon haul tu Tuhan Na Markuaso i. Na gabe malim ni Tuhan di Silo, i ma si Hofni dohot si Pinehas anak ni si Eli.

PANGARATAION 16:16

Angkon ro do sude halaklahi ni Israel manyomba Tuhan di inganan paribadatan na sada i tolu noli sataon: Di Ari Pesta Paskah, Pesta Gotilon dohot di Pesta Undung-undung Bulung Rata. Angkon ganop be marsioban haulna,

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

BILANGAN 28:16

“Di tanggal opat bolas bulan sada, angkon pestahononmunu do Pesta Paskah pasangapkon Tuhan.

HAMALIMON 23:5

Ari Pesta Paskah na nipestahon pasangap Tuhan mamungka sian na lusut mataniari di tanggal opat bolas bulan sada.

HARURUAR 34:23

Tolu noli sataon, angkon sude halaklahi sian hamu angkon ro marsomba tu Au, Tuhan, Debata ni Israel.

HARURUAR 12:14

Ari on ma ari parningotan di hamu. Angkon pagodangonmunu do ari on laho marningot angka aha na dung Hubaen. Rayahon hamu ma ari on salolot-lolotna.”

JOHANNES 13:1

Sadari noma anso Ari Pesta Paskah. Madung diboto Jesus na giot tadingkononNia ma portibi on jana mulak ma Ia tu AmangNia. Dihaholongi Ia do sudena halak na diSia, na adong di tano on jana lopus tu ujungna pe laing holong do rohaNia di halahi.

JOHANNES 11:55

Jadi hatiha i giot dapot ne ma Pesta Paskah ni halak Jahudi. Ma bahat halak sian angka kota i markehean tu Jerusalem laho paiaskon diri dompak so dapot Pesta Paskah i.

JOHANNES 6:4

Hatiha i laho dapot ma Pesta Paskah ni halak Jahudi.

HARURUAR 12:11

Angkon mopop do hamu mangankon harana marpakean do hamu singkop songon na giot mardalanan, marsipatu patmunu jana tiop hamu tungkot di tanganmunu. On ma Ari Pesta Paskah laho pasangapkon Au Tuhan.

LUKAS 2:42

Jadi di na marumur dua bolas taon Jesus, laing kehe ma halahi songon na somal tu pesta i.