LUKAS 19:46 - BIBEL JAMITA NA DENGGAN

⁴⁶ Didok Ia ma, “Di Buku Na Badia i, adong do tarsurat, ‘Anggo bagasKu angkon gabe bagas partangiangan do.’ Tapi madung dibaen hamu i gabe inganan ni panyamun!”

LUKAS 19:46 Referans Kwoze

JESAYA 56:7

“BoanonKu ma hamu tu dolokKu na badia i, lehenonKu jop ni roha di hamu di bagas paribadatanKu. JagitonKu angka haul na nihaulkonmunu di langgatanKu. Goaran ma bagasKu bagas partangiangan ni sandok bangso.”

JEREMIA 7:11

Adong he na dietong rohamunu do asar ni panyamun BagasKon? Huida do sude pangalahomunu i.

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

JEHESKIEL 43:12

On ma tanda hasurungan ni Bagas Na Badia: Sude tano na humaliang i na di puncu ni dolok i, na sun do badiana.”

MASMUR 93:5

O Tuhan, hot do manongtong uhumMu, sai badia do sapanjangna BagasMu.

HOSEA 12:7

Hara ni i, ale hamu pomparan ni si Jakob, haporsayai hamu ma Debatamunu i jana mulak ma hamu tuSia. Gok holong ni roha dohot hatigoran ma ngolumunu, jana sobar ma hamu paintehon lopus tulus i dibaen Debatamunu.

MATEUS 21:13

Didok Ia ma tu halahi, “Adong do tarsurat songon on, ‘Angkon bagas partangiangan do goaron BagasKon.’ Hape gabe bagas ni panyamunan do dibaen hamu bagas on.”

MARKUS 11:17

Dung i mangajar ma Jesus tu halak na disi i. Didok Ia ma, “Nada he tarsurat do di Buku Na Badia songon on: Didok Debata do, ‘Digoari ma BagasKu inganan partangiangan ni sude bangso?’ Hape gabe dibaen hamu do i gabe liang ni panyamun!”