LUKAS 18:37 - BIBEL JAMITA NA DENGGAN

³⁷ Didok halahi ma, “Mamolus Jesus, halak Nasaret i.”

LUKAS 18:37 Referans Kwoze

MATEUS 2:23

Disi ma ia maringanan di sada kota na margoar Nasaret. Markite na songon i ma tulus na nidok ni angka panurirang, na mandok, “Nigoaran ma Ia halak Nasaret.”

2 KORINTUS 6:2

Didok Debata do di Buku Na Badia i, “Di hatiha na nipatumbuk, madung Hutangihon pio-piomu, jana di ari haluaan madung Huurupi ho.” Tangkas ingot hamu! Saonnari ma hatiha na nipatumbuk i. Saonnari ma arina, ari haluaan.

BAENON NI ANGKA RASUL 4:10

antong botoon ni hamu sude ma, dohot sude bangso Israel, bahaso di bagasan goar ni Jesus Kristus, halak Nasaret i do bayo on torkis di adopanmunu. Madung diparsilangkon hamu Jesus i, tapi hape madung dipangolu Debata Ia sian halak na mate.

BAENON NI ANGKA RASUL 2:22

“Hamu angka halak Israel, tangihon hamu ma hata on: Na humaksud i ma Jesus na sian Nasaret, na dung ditontuhon ni Debata markite-hite hagogoan dohot hahomangan dohot tanda na binaen ni Debata markite-hite Ia di tonga-tongamunu, songon na dung tangkas diboto hamu.

JOHANNES 19:19

Di hayu parsilang ni Jesus, disuru si Latus ma dibaen surat songon on, “Jesus na sian Nasaret Raja Ni halak Jahudi.”

JOHANNES 1:45

Dung i marsuo muse ma si Pilipus dohot si Natanael jana didok ia ma, “Madung marsuo hami dohot Ia na nidok ni si Musa di bagasan Buku Tona i, dohot na nidok ni angka panurirang, i ma Jesus anak ni si Josep halak Nasaret i.”

LUKAS 2:51

Dung i mulak ma Jesus rap dohot halahi tu Nasaret, mangoloi tu halahi. Sudena i disimpan inangNa i ma di bagasan rohania.

LUKAS 18:36

Dung dibege bayo na mapitung i adong mamolus halak na bahat disi, disapai ia ma, “Aha dehe na masa?” ning ia.

LUKAS 18:38

Dung i marsurak ma ia, “O Jesus Anak Ni si Daud! Ibo ma rohaMu mida au!”