LUKAS 18:34 - BIBEL JAMITA NA DENGGAN

³⁴ Tapi sudena i saotik pe nada diastui angka siseanNia i. Nada tardodo halahi angka pandohan ni Jesus i. Nada diboto halahi sanga tudia lapatna na nidokkonNia i.

LUKAS 18:34 Referans Kwoze

LUKAS 9:45

Nada diastui halahi i sanga aha maksud ni Jesus. Nian na dirahasiahon do tu halahi taringot tusi umbaen na so diastui halahi maksudna. Tapi halahi pe mabiar laho manyapaisa tu Jesus.

MARKUS 9:32

Nada diastui angka sisean ni Jesus i na niajarkonNia i, tapi mabiar halahi marsapa tuSia.

JOHANNES 12:16

Anggo di hatiha i nada diastui anak sisean ni Jesus i dope taringot tusi. Tapi dung dipasangap Jesus, i ma dung diparsilangkon jana mulak mangolu Ia, baru pe diingot halahi na dung tarsurat songon i di bagasan Buku Na Badia taringot tuSia jana na dung dipatulus halahi songon i tuSia.

JOHANNES 10:6

Nada diastui angka halak na umbegean i sanga aha astuan ni umpama na nidok ni Jesus i.

LUKAS 24:45

Dung i dibuka Jesus ma pikiran ni halahi anso diastui halahi na nidok ni Buku Na Badia i.

LUKAS 24:25

Dung i mandok hata ma Jesus tu halahi ning Ia, “Otona i hamu! Na maol ma hamu manghaporsayai na nidok ni angka panurirang i!

LUKAS 2:50

Tapi nada mangarti si Josep dohot si Maria sanga aha maksud ni Jesus.

LUKAS 18:33

Loncingan ni halahi ma Ia jana bunuonna; tapi di ari patoluhon, mulak mangolu ma Ia mangulahi.”