LUKAS 18:31 - BIBEL JAMITA NA DENGGAN

³¹ Dioban Jesus ma siseanNia sidua bolas halak i sajo, jana didok Ia ma tu halahi, “Saonnari manangkok ma hita tu Jerusalem, jana tarjadi ma sudena na nisuratkon ni angka panurirang taringot tu Anak Ni Jolma i.

LUKAS 18:31 Referans Kwoze

MATEUS 16:21

Mamungka sian i marsitangkas ma Jesus paboahon tu angka anak siseanNia i. Angkon kehe Ia tu Jerusalem jana angkon parkancitan ni angka pamimpin dohot angka Sintua Ni Malim dohot Siboto Surat Jahudi ma Ia disi. Angkon bunuon Ia, tapi mulak mangolu ma Ia di ari patoluhon!

LUKAS 9:51

Dung donok hatihana giot manaek Jesus tu banua ginjang, diadopkon Ia ma bohiNia tu Jerusalem laho kehe tusi.

LUKAS 9:22

Anggo Anak Ni Jolma i, tutu do Ia angkon markancit jana dialo angka pamimpin dohot angka sintua ni malim, songon i angka Siboto Surat Jahudi. Dibunu ma Ia, tapi mulak mangolu do Ia di ari patoluhon.”

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

MARKUS 8:9

Adong ma na mangan i hira-hira opat ribu halak. Dung i disuru Jesus ma halahi mulak,

MATEUS 27:63

Didok halahi ma, “On dope anso hami ingot tuan, taran mangolu pargabus i unjung do didok Ia songon on, ‘Dung tolu ari, mulak mangolu ma Au mangulahi.’

LUKAS 10:30

Dialusi Jesus ma, “Adong ma sada bayo manuat sian Jerusalem tu Jeriko. Di tongan dalan ro ma panyamun manangkup ia. Dipupusi panyamun i ma ia, dibalbali lopus giot mate, dung i ditinggalkon ma ia songon i sajo.