LUKAS 17:26 - BIBEL JAMITA NA DENGGAN

²⁶ Jana songon pangalaho na masa di hatiha ni si Noak narobi, laing songon i muse ma pangalahona saulahon di hatiha ni Anak Ni Jolma i.

LUKAS 17:26 Referans Kwoze

2 PETRUS 2:5

Songon i muse do dohot tu portibi nahinan; nada patolaon ni Debata malua sian uhuman. Disuru Debata do aek na oto tu portibi on na niinganan ni angka jolma na so ra porsaya tu Debata di hatiha i. Hum si Noak rap dohot sipitu halak nari sajo ma na malua, hara ni na nipaboania barita taringot tu ngolu na tumbuk di roha ni Debata.

LUKAS 17:24

Songon parsinondang ni hilap di langit, na torang sian ujung tu ujung, songon i ma pangalaho ni Anak Ni Jolma i di ariNa i.

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

LUKAS 17:22

Dung i didok Jesus ma tu angka anak siseanNia, “Na ro ma hatihana, na malungun hamu sugari idaonmunu ma sada sian angka ari ni Anak Ni Jolma i, tapi nada idaonmunu i.

2 PETRUS 3:6

jana laing dohot aek i muse, diabiskon Debata portibi si narobi i, i ma dohot aek na oto.

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PAMUNGKAAN 6:7

jabat didok Ia, “Huabiskon noma jolma na Hutompa on, dohot sude binatang bope angka unggas i, harana manyosal do Au manompa halahi.”

LUKAS 18:8

Hudok ma di hamu! Manigor belaonNia do parkaro ni halahi! Tapi laing adong dope he haporsayaan di portibi on saulahon muda ro Anak Ni Jolma i.”

PAMUNGKAAN 6:8

Tapi anggo mida si Noak sonang do roha ni Tuhan.

JESAYA 22:13

Hape suhar-suhar ni i, marmoga-moga jana marpestai hamu. Mangan juhut ni biri-biri hamu dohot lombu jana minum anggur lalu pio-pio, “Tole ma da mangan minum hita, angke laing na mate ma hita ancogot!”

LUKAS 17:7

“Sugari adong sada sian hamu nampuna naposo na mambajak sanga na marmahan biri-biri. Muda muli ma naposo i sian ladang, adong he didok hamu tusia, ‘Ompoti ma ro tuson anso mangan hita!’

LUKAS 17:27

Na mangan minum do halahi, marbagas dohot na pabagaskon lopus di ari hamamasuk ni si Noak tu bagasan parau i; dung i ro ma aek na oto mangagohon halahi sudena.