LUKAS 17:10 - BIBEL JAMITA NA DENGGAN

¹⁰ Songon i muse ma hamu. Muda dung dioloi hamu sude na niparentahon tu hamu, dok hamu ma, ‘Anggo hami hum naposo na somal-somal i do hami; hum na patut baenon do na hami karejohon i.’ ”

LUKAS 17:10 Referans Kwoze

SURAT NI SI PAULUS TU PARLAGUTAN ROM 11:35

Ise ma halak na jungada mangalehen bagi aha tuSia , jana gabe tarbaensa martunggu balosna?”

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

SURAT NI SI PAULUS TU PARLAGUTAN ROM 3:12

Madung lilu sude jolma, nada adong be guna ni halahi. Umpe sahalak na mambaen na denggan; sahalak pe nada adong!

MATEUS 25:30

Ambungkonon ma naposo na so hasaya i tu hagolapan parbalian. Disi ma ia tangis patungaripon!’ ”

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

PILEMON 1:11

Najolo nada adong gunania be di ho, tapi anggo saonnari madung marguna situtu, nada hum di ho sajo, tapi dohot do di au.

LUKAS 17:9

Adong ma he mandok tarimakasi ia tu naposo i hara ni na dung dikarejohon ia sikarejohononnia?

LUKAS 17:11

Di na patoruskon pardalananNia Jesus tu Jerusalem mamolus ma ia sian parbalohan ni Samaria dohot Galilea.

JEREMIA 32:23

Tapi di na ro halahi tu luat on lalu mangarampassa, nada marpangoloion halahi tu angka parentaMu, jana nada mangihutkon pangajaranMu parngoluon ni halahi; sude na niparentahonMu tu halahi sada pe nada adong didalankon halahi. Hara ni i, gabe diparo Ho ma sude parmaraan on tu halahi.