LUKAS 15:2 - BIBEL JAMITA NA DENGGAN

² Jadi mungut-ungut ma halak Parise dohot angka Siboto Surat i. Didok halahi, “Dipardongan Ia do angka halak na so ture, mangan muse dope Ia rap dohot halahi!”

LUKAS 15:2 Referans Kwoze

MATEUS 9:11

Diida halak Parise ma halahi na mangan i. Jadi disapai halahi ma anak siseanNia i, ninna halahi ma, “Biasi ma he mangan Gurumunu i rap dohot panjagit pajak dohot angka pardosa?”

LUKAS 19:7

Mungut-ungut ma sude halak marnida pangalaho i. Didok halahi ma, “Kehe do Ia masuk tu bagas ni halak pardosa!”

LUKAS 7:39

Dung diida halak Parise na mangontang Jesus i pangalaho i didok ia ma di bagasan rohania, “Sugari tutu panurirang Ia, tontu angkon diboto Ia do sanga ise satutuna dadaboru na manjama Ia i; tontu diboto Ia muse do ngolu ni dadaboru on, na mardosa sajo!”

LUKAS 5:30

Jadi mungut-ungut ma angka halak Parise dohot angka Siboto Surat, gabe didok halahi ma tu angka anak sisean ni Jesus, “Biasi rap mangan minum hamu sudena dohot sitagi-pajak dohot angka na nietong ni halak jolma na so ture?”

BAENON NI ANGKA RASUL 11:3

“Biasi kehe ho tu bagas ni halak na so marsunat? Mangan muse dope ho rap dohot halahi!”

LUKAS 7:34

Dung i ro ma Anak Ni Jolma i – mangan do Ia jana minum – gabe didok hamu, ‘Ligi ma jolo Ia, na songkal, parminum, dongan ni sitagi pajak jana dongan ni halak pardosa.’

GALATIA 2:12

Mula-mulana sajuguhan ia mangan rap dohot angka dongan na so Jahudi. Hape dung ro angka halak na nisuru ni si Jakobus, dipadao ia ma dirinia sian angka dongan na so Jahudi i. Gabe nada ra be ia mangan rap dohot halahi. Hara ni na mabiar ia maradopkon angka halak na sai mangkagioti anso sude jolma marsunat.

MATEUS 11:19

Madung ro Anak Ni Jolma i – na mangan dohot na minum, jadi didok halahi, ‘Ligi ma jolo Bayo i! Na songkalan, hum na minum, didongan-dongani Ia angka sijagit pajak dohot angka pardosa.’ Tapi haru pe songon i, na bisuk do Debata. Tarida do habisuhonNia i sian angka pambaenanNia.”

LUKAS 15:3

Jadi hara ni i dicaritohon Jesus ma tu halahi umpama on:

1 TIMOTEUS 1:15

Hata na tutu do pandohan on, na patut jagiton jana sihaporsayaan – : “Ro pe Kristus Jesus tu portibi on na giot paluahon halak pardosa do.” Jana sian sude halahi, au ma na umbahat dosana.