LUKAS 15:18 - BIBEL JAMITA NA DENGGAN

¹⁸ Jongjong noma au kehe manopot damang jana dokkononku ma tusia: Madung mardosa au adop Debata bope maradopkon damang.

LUKAS 15:18 Referans Kwoze

ANDUNG 3:40

Denggan ma da hita tangkasi ngolunta jolo, jana mulak ma hita tu Tuhan Debatanta.

LUKAS 15:21

Didok ia tu amangnia i, ‘O amang, madung mardosa au adop Debata bope maradopkon damang. Nada tama be didok au anak ni damang.’

LUKAS 18:13

Tapi anggo sitagi pajak i jongjong ma ia mandao-dao jana inda puluk ia mardongak adop langit. Ditompuhi ia andorania i didok ia ma, ‘O ale Debata, ibo ma rohaMu mida au pardosa on!’ ”

MATEUS 6:14

Muda disesa hamu halak na marsala tu hamu, sesaon ni Amangmunu na di banua ginjang i muse ma salamunu.

JEREMIA 3:19

Didok Tuhan, “O ale Israel, por do rohangKu manjagit ho songon anakKu, dohot mangalehen tu ho tano hasonangan, luat na jumeges di sandok tano on. Por do rohangKu didok ho Au Amangmu, jana nada lari be ho sian Au.

MASMUR 25:11

Tuhan, songon janjiMi ampuni ma au, angke bahat situtu do dosangku.

MATEUS 6:9

Jadi songon on ma dok hamu muda martangiang hamu, ‘Ale, Amangnami na di banua ginjang: Pinarbadia ma goarMu,

MATEUS 3:6

Dioku halahi ma angka dosa ni halahi, gabe dididihon si Johannes ma halahi di Batang aek Jordan i.

JEREMIA 31:20

O Israel, ho do anak hasianKu, anak haholongan, tampuk ni pusu-pusungKu. Ganop Huondam ho sai lungun do rohangKu marningot ho. Gok ibo ni roha do giot baenonKu tu ho.

JESAYA 63:16

Nada he Ho do Amangnami? Nada ditanda si Abraham dohot si Jakob hami. Tapi anggo di hami sandiri, Ho do Amangnami, na palua hami sian narobi.

PODA 23:13

Ulang alang rohamu mandidik anakmu. Muda hona loncing ia dibaen ho, nada jabat mate ia,

MATEUS 7:11

Haru songon i pe jahatmunu, laing diboto hamu do mangalehen na denggan tu dakdanakmunu, mur Amangmunu na di banua ginjang i ma. Tontu lehenonNia do angka na denggan i di halak na mangido tuSia!

2 JUJUR TAON 33:19

Di bagasan Buku Sejarah Ni Panurirang-panurirang disuratkon muse do tangiang ni si Manase dohot alus ni Debata tu tangiangnia i, songon i ma barita salaho tu angka dosania painte so muba rohania, angka inganan parsombaan ni gana-ganaan dohot angka patung ni Debata Asera na nibaennia, angka gana-ganaan na nisombania.

LUKAS 11:2

Dung i didok Jesus ma tu halahi, “Muda martangiang hamu songon on ma dok hamu, ‘Ale Amangnami. Pinarbadia ma goarMu. Ro ma HarajaanMu.

JUNUS 3:9

Betak na ra do Debata manguba nietNia gabe nada muruk be, jadi nada tulus hita bunuonNia!”

JUNUS 2:4

Hudok ma di bagasan rohangku: Na hona usir ni Tuhan do au sian joloNia. Indangkon na idaonku be i inganan parmiananNia na badia i.

DANIEL 4:26

Diparentahon surusuruan i do anso dipadiar tungko ni hayu i tinggal di bagasan tano i. Astuan ni i mandok gabe raja do mangulahi raja i dung dioku raja i, na guru di Debata do sude portibi on.

ANDUNG 3:29

Tapatoruk ma rohanta jana manyora, harana betak adong dope siaropon ni roha.

LUKAS 15:17

Ujungna sadar ma ia, didok ia ma, ‘Sai bahat angka parkarejo na lobian sipanganon di jolo ni damang hape anggo au mate tangkuraparon ma dison!

LUKAS 15:19

Na so tama be dohononmu au anakmu. Etong ma au amang songon sada parkarejomu.’