LUKAS 14:7 - BIBEL JAMITA NA DENGGAN

⁷ Diida Jesus, adong sian angka na nipio i na marsiadu tu inganan na dumenggan. Jadi marumpama ma Ia tu halahi sude.

LUKAS 14:7 Referans Kwoze

LUKAS 11:43

Marjaya ma hamu halak Parise, harana jop do rohamunu manjuguhi juguhan na sumurung di bagas paribadatan dohot diparsantabi ni halak na di poken.

PILIPPI 2:3

Ulang ma marsibaen di ibana laho manyarihon dirina be sanga laho manggodangkon dirina. Tapi gumonan ma sian toruk ni rohana be, etong hamu ma donganmunu na dumenggan sian hamu sandiri.

MATEUS 23:6

Hum na giot di juluan do halahi muda masa pesta. Disi karosi na jumeges di angka bagas paribadatan, ulang so disi halahi juguk.

LUKAS 20:46

“Manat ma hamu maradopkon angka Siboto Surat. Na jopan roha ni halahi mardalani mamake baju juba na gabar gebur, na jopan muse roha ni halahi ditabi halak di pasar an. Na tagian halahi mamili-mili angka inganan ni halak na godang di angka bagas paribadatan dohot angka karosi ni halak na sangap di angka pesta.

3 JOHANNES 1:9

Madung hubaen sada surat na pendek tu parlagutan i, hape nada ra si Diotrefes na marpor ni roha gabe pamimpin ni parlagutan i mangihutkon na hudok.

JEHESKIEL 17:2

Ale anak ni jolma parsantongkinan, hatahon ma sada umpama tu Israel.

MATEUS 13:34

Marumpama do Jesus mangajarkon i sude tu halak na bahat i, nada adong na niajarkonNia ia so marhite umpama.

PODA 8:1

Tangihon ma! Pio-pio do habisuhon, dipatubegehon hapistaran do soarana.

HAKIM-HAKIM 14:12

Dung i didok si Simson ma tu halahi, “Adong huling-hulinganku. Muda taralusi hamu, hulehen pe di hamu sada be abit linen na halus dohot sasitel be pakean na jeges. Hulehen tingkina di hamu pitu ari salolot pesta parbagason on, laho mangalusi.

PODA 25:7

Gumonan do disuru juguk tu inganan na sumangap, ulang pado disuru mangalehen inganan tu na umpangkat.