LUKAS 14:30 - BIBEL JAMITA NA DENGGAN

³⁰ Dokkonon ni halak ma, ‘O ale, pajongjong bagas halak on hape so tarpasidungsa!’

LUKAS 14:30 Referans Kwoze

IBRANI 6:11

Giotnami nian sugari laing ringgas ma hamu, lopus dijagit hamu na niarop ni rohamunu i.

2 JOHANNES 1:8

Hara ni i, jagohon hamu ma anso ulang jabat adong sanga aha na mago sian na hami pasahat i tu hamu. Manat ma hamu anso laing dohot hamu manjagit sudena upamunu i.

IBRANI 10:38

Jana halakKu na tigor roha i, mangolu do hara ni haporsayaanna, tapi muda adong sian halahi na sumurut, nada jop be rohangKu mida i.”

MATEUS 7:27

Muda ro udan, magodang ma aek, ro muse ma alogo na gogo manondong bagas i, marumpak ma bagas i. Hebat sajo ma hasegoanna.”

LUKAS 14:29

Angke muda inda tulus tarpasidungsa muse, hape madung sidung dibaen ojahanna, gabe sude ma halak mampartatai ia.

LUKAS 14:31

Muda adong sada raja na martentara sampulu ribu halak giot marporang mangalo raja na asing na martentara dua pulu ribu halak, tontu angkon juguk jolo raja i manimbang sanga na tuk do gogonia laho mangalo musunia i.