LUKAS 12:31 - BIBEL JAMITA NA DENGGAN

³¹ Tapi jalahi hamu ma HarajaanNia, dung i tambahononNia do sudena i tu hamu.”

LUKAS 12:31 Referans Kwoze

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”

MASMUR 34:9

Habiari ma Tuhan, o hamu bangsoNia, sanga ise na burju mangoloi Ia nada dumpang hurangan.

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

MASMUR 37:25

Mamungka sian haposoonku lopus matobang songon on, nada unjung dope huida halak na burju ditadingkon Tuhan, sanga pomparanna gabe pangido-ido sidoka.

JESAYA 33:16

Jadi gabe malua do hamu jana sonang, songon na tinggal di bagasan benteng na togu. Singkop do sipanganon dohot siinumon di hamu.

MASMUR 37:19

Di hatiha na sompit, nada hasusaan halahi, di tingki na haleon laing tuk di halahi.

LUKAS 10:42

Hape hum sada do na porlu! Jana madung ditodo si Maria na denggan i, na so buaton be sian ia.”

LUKAS 12:30

Halak na so mananda Debata do na tongtong parayakkon angka na songon i.) Diboto Amangmunu i do na porlu di hamu angka na songon i.