LUKAS 11:33 - BIBEL JAMITA NA DENGGAN

³³ “Nada adong halak na manutung lampu, jana ditabunihon ia lampu i sanga ditutupi dohot ampang. Tontu tu inganan parlampuan do i dibaen anso torang idaon ni halak, muda masuk halahi.

LUKAS 11:33 Referans Kwoze

JOHANNES 12:46

Songon sinondang do Au di na ro tu portibi on, anso sude halak na porsaya tu Au ulang be tinggal di na golap.

JOHANNES 11:9

“Nada he dua bolas jom do sadari?” ninna Jesus. “Anggo arian do halak mardalan nada tartuktuk bagi na tu aha, harana torang do diida ia tano on.

MATEUS 10:27

Sanga aha na Hudok tu hamu di na golap, hobarkon hamu ma i di arian raya. Sanga aha na Huhusipkon tu pinggolmunu, jamitahon hamu ma i sian bungkulan ni bagas!