LUKAS 11:29 - BIBEL JAMITA NA DENGGAN

²⁹ Hatiha dirongomi angka jolma i Jesus, laing ditoruskon Jesus ma pangkataionNia. Ning Ia ma, “Na lobi jahat do angka jolma sisaonnari on. Dipangido halahi ma antong giot mida tanda hahomangan. Hape sada tanda hahomangan pe indangkon na lehenon di halahi, asing sian hahomangan ni Panurirang Junus sajo.

LUKAS 11:29 Referans Kwoze

LUKAS 11:16

Adong muse do angka jolma i na giot manguji Jesus. Dipangido halahi ma tu Jesus anso dibaen Ia jolo hahomangan tanda na sian banua ginjang.

1 KORINTUS 1:22

Dipangido halak Jahudi do hahomangan gabe songon tanda, jana halak Junani manjalahisa di parbinotoan ni portibi on.

LUKAS 12:1

Marribu halak na marsisohan jabat adong na tardege-dege patna i. Jadi taran marrongoman jolma i mandok hata ma Jesus, lumobi tu angka siseanNia i, “Jago ma hamu maradopkon ragi ni halak Parise, i ma pangalancapon ni halahi.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

JOHANNES 6:30

Didok halahi ma, “Antong anggo songon i, adong dehe tanda hahomangan sibaenonmi Guru siidaonna ni anso porsaya hami tu Ama i? Patidahon ma sanga aha do na tarbaen Ho!

JOHANNES 2:18

Jadi dialo angka parkuaso ni halak Jahudi i ma Jesus. Didok halahi ma, “Baen ma jolo tanda hahomangan pabotohon tu hami paboa na adong hakMu mambaen songon on!”

LUKAS 11:50

Anso tuntuton ma tu halak sisaonnari on mudar ni sude panurirang, na dung durus mamungka sian parmulaan ni tano on.

LUKAS 9:41

Dialusi Jesus ma, “O, hamu angka pomparan na so porsaya jana na lilu! Olat ni andigan pe angkon rap Au dohot hamu jana sai sobar tu hamu? Oban ma tuson anakmi!”

MARKUS 8:38

Angke sanga ise na maila hara ni Au dohot hatangKu di tonga-tonga ni halak na so setia dohot pardosa, maila muse ma Anak Ni Jolma i mida ia muda ro Ia di bagasan hasangapan ni AmangNia rap dohot surusuruanNia na badia i.”

MATEUS 3:7

Bahat muse do halak Parise dohot Saduse na marroan tu si Johannes, anso tardidi. Dung diida ia halahi marroan, didok ia ma tu halahi, “Hamu angka pomparan ni ulok! Ise do mandok tu hamu, na bisa pasimbilon dirimunu sian muruk ni Debata na giot ro i?

JEHESKIEL 24:24

Jadi au si Jeheskiel, gabe tudosan ma au di hamu; baenonmunu ma songon na hubaen on saonnari. Pandok ni Tuhan, muda dung tulus tarjadi na songon on, botoonmunu ma Au do Tuhan Debata.”

JUNUS 1:1

Di na sanoli mangkuling ma Tuhan tu si Junus, anak ni si Amitai.