LUKAS 11:1 - BIBEL JAMITA NA DENGGAN

¹ Sanoli di sada inganan martangiang ma Jesus. Dung sidung Ia na martangiang i, didok sahalak sian anak siseanNia i ma tuSia, “Tuhan, ajari ma hami martangiang songon si Johannes diajari Ia do martangiang angka anak siseanNia i.”

LUKAS 11:1 Referans Kwoze

MASMUR 19:14

Sai jagit ma pikiran dohot hatangku, o Tuhan, panjago bope sipalua di au.

JUDAS 1:20

Tapi anggo hamu ale angka dongan, tambori hamu ma ngolumunu mardongan haporsayaan tu Tuhan; ias sun do haporsayaanmunu i. Laing martangiang ma hamu mardongan kuaso ni Tondi Parbadia

LUKAS 6:12

Jadi manangkok ma Jesus hatiha i tu sada dolok laho martangiang. Martangiang ma Ia saborngin i tu Debata.

LUKAS 9:18

Di sada ari hatiha martangiang Jesus sada Ia, ro ma angka siseanNia mandapotkon Ia. Disapai Jesus ma tu halahi, “Ise dehe Au, didok halak?” ning Ia.

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

LUKAS 9:28

Dung adong tar sapoken dung diajarkon Jesus taringot tusi, dioban Ia ma si Petrus, si Johannes dohot si Jakobus tu ginjang ni sada dolok laho martangiang.

MASMUR 10:17

Tuhan, ditangihon Ho do tangiang ni halak na bile, jana dipagodang Ho do roha ni halahi be.

LUKAS 7:13

Dung diida Jesus anak boru i, gabe ibo ma rohaNia midasa ning Ia ma, “Ulang be sai tangis ho inang!”

LUKAS 7:19

disuru ia ma halahi kehe mandapotkon Tuhan Jesus laho manyapai, “Ho do ulaning na giot ro i sanga adong dope halak na asing sipainteonnami?”

LUKAS 10:42

Hape hum sada do na porlu! Jana madung ditodo si Maria na denggan i, na so buaton be sian ia.”

LUKAS 11:2

Dung i didok Jesus ma tu halahi, “Muda martangiang hamu songon on ma dok hamu, ‘Ale Amangnami. Pinarbadia ma goarMu. Ro ma HarajaanMu.