LUKAS 10:24 - BIBEL JAMITA NA DENGGAN

²⁴ Hara ni i ingot ma: Bahat do angka panurirang dohot raja na malungun marnida na niidamunu saonnari on hape nada tarbaen halahi marnidasa. Lungun sajo do roha ni halahi umbege on, hape nada tarbaen halahi be umbegesa.”

LUKAS 10:24 Referans Kwoze

IBRANI 11:13

Di bagasan haporsayaan i, madung mate halahi sude. Nada dijagit halahi dopena janji i, tapi di tatap halahi do i sian na dao. Jadi pos jana jop do roha ni halahi marnidasa, jana dioku halahi do, bahaso pangaranto dohot paisolat do halahi di tano on.

JOHANNES 8:56

Na jopan do roha ni si Abraham amangmunu i laho marnida aringKu. Madung diida Ia i jana jop rohaNia!”

IBRANI 11:39

Na godang do hamonangan na dapot ni sudena halahi hara ni haporsayaanna i! Tapi haru songon i pe laing na so nijagit ni halahi dope anggo na nijanjihon ni Debata,

MATEUS 13:16

“Tapi martua ma matamu hara ni na marnida jana pinggolmu hara ni na marbinege.

LUKAS 10:23

Dung i manaili ma Jesus tu angka siseanNia i lalu didok Ia ma tu halahi sajo, “Martua ma mata na marnida sanga aha angka na dung niidamunu on.

LUKAS 10:25

Dung i jongjong ma sahalak Siboto Surat laho mangunjuni Jesus, ning ia ma manyapai, “Guru, aha ma he sibaenonku anso dapot au ngolu na manongtong?”