Biblia Todo Logo
Bib sou entènèt

- Piblisite -




LUKAS 1:76 - BIBEL JAMITA NA DENGGAN

76 O, ale anakku, goaron ma ho panurirang ni Debata Na Gumincat i. Jumolo do ho disuru Tuhan giot manastas dalan sibolusonNia.

Gade chapit la Kopi




LUKAS 1:76
22 Referans Kwoze  

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”


Dialusi si Johannes ma dohot hata songon na nidok ni Panurirang Jesaya, “Anggo au, ‘Sora ni halak na pio-pio di halongonan do au: Pahornop hamu ma dalan ni Tuhan!’ ”


Jadi, giot bunuon ni si Herodes ma si Johannes, tapi mabiar ia mida halak. Harana, dietong roha ni halak do si Johannes songon panurirang.


Si Johannes on ma na nidok ni Panurirang Jesaya di angka hatania on, “Adong ma sada halak na pio-pio di halongonan, ‘Pauli hamu ma dalan ni Tuhan; pahornop hamu ma dalan na giot bolusonNia.’ ”


Sai dipaihut-ihut anak boru i ma si Paulus dohot hami, marsurahi ma ia, “Naposo ni Debata na gumogo i do halak on! Ro pe halahi, na giot paboahon dalan haluaan do tu hamu ale angka dongan!” ning ia.


Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.


Gabe magodang ma Ia jana digoari ma Ia Anak Ni Debata Na Gumincat. Gabe raja ma Ia baenon ni Debata songon si Daud ompuNa i.


Tapi songon na so tardok do, ‘Sian Jolma.’ ” Harana, mabiar do halahi mida halak na bahat, angke panurirang do si Johannes dietong roha ni halak na bahat i.


Hamu pe madung dibege hamu hudok, ‘Nada au Kristus i. Hum patujolo sajo do au umbaen na disuru parjolo ulang Ia.’


Umpudi dope Ia ro ulang au, tapi mangkarhari tali ni sipatuNia pe, nada tama dope au.”


Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.


Tapi muda tadok, ‘Sian jolma’, angkon hilalaonta do pangkilalaan ni halak na bahat muse. Harana sude halak marpandapot, sada panurirang do si Johannes.”


Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.


Ligi ma suruonKu ma tu hamu Panurirang Elia, patujolo ni ari ni Tuhan Na Markuaso jana na godang i.


Salaho tu Sion didokkon ma, “Di bagasanna do sude halahi disorangkon jana Ia Na Gumincat na giot pahotkon halahi.”


Swiv nou:

Piblisite


Piblisite